Gula 4
“Tinuod kana,” gikan ni Jesus. “Apan kabulahanan nga alang lang sa pipila ug dili alang sa kinabag-an sa katawhan.
Sa kahiladman ni Mayor Antigua diha nay bomba nga bumobuto. Hapit na gayod mapupos ang lugway sa iyang pailob. Apan naningkamot gihapon siya pagpugong sa iyang kaugalingon. Gusto niyang kombinsehon ang katawhan sa matarong nga paagi.
Sa pagkakaron dili ko una kamo pugson,” sa mayor pa. “Hatagan ko kamo’g igong panahon sa paghunahuna mahitungod niining butanga. Sa sunod semana mobalik ko dinhi aron makigdayalogo kaninyo. Panghinaoton ko nga magkasinabtanay na kita nianang higayona.”
Apan pag-abot sa gihatag nga tagal ni Mayor Antigua, nagpabiling wala matarog ang mga lumolupyo sa Punta. Namatikdan niya nga misamot na hinuon kahugot ang balighot sa ilang pagtutol. Wala gayod matay-og ang bantayog sa katarongan nga gipabarog sa kabos nga katawhan sa Punta nga maoy gisandigan sa ilang pagsupak nga tukoran og pabrika ang ilang dapit. -- Sumpayan pa