Hingigo pa gyud diay si Tonyo

Tonyo, kadugay gud. Ma-late na ko og tambong sa trabaho ani ron. Mura man og wala na. Sige na oi. Mangandam pa ra ba ko. Kakuyaw ba sab sa panuhot ani oi,” wala na kapugong pa si Telda.

“Huwata lang gud, Telda, nakaila ka na baya nako, siniguro ang matag lihok. Sigurista ko. Para walay sami. Dili ba mausik ang kusog,” ni Tonyo nga padayong naningkamot. Gipaningot og bugbog.

“Ah, daghan kaayo ka og estorya. Estoryahee na lang ko Tonyo,” naaburidong pulong ni Telda.

“Hapit na gyud ni Telda. Hapit naaa...” ni Tonyo nga wala mahutdi og paglaom.

Pagkataudtaud.

“Haay, salamat Telda. Napasulod na gyud. Sa kataposan. Salamaat,” ni Tonyo nga daw nahuwasan.

“Tonyo, pagkahingigo pa gyud nimo. Sige ha ako nang tahion ang butones sa akong bestida. He,he, he. Napasulod ra gyud nimo ang hilo sa dagom,” pulong ni Telda nga mapahiyomon.

“Way sapayan Telda. Inig balik nya nimo ha. Naa pa koy laing dagom nga andamon espesyal para imoha,” nagngisi si Tonyo nga nagtan-aw sa iyang kapikas nga nagtahi.

Wala na mamulong pa si Telda, sayod siya sa gipasabot ni Tonyo. Malipayon kaayo siya nga naghunahuna sa pagkahingigo pa ni Tonyo bisan pa sa pagkahamtong na niini nga hapit na motungtong o7g kan-oman ang pangedaron. (Kataposan)