Paputi sa dark underarms
Kung conscious ka sa imong dark underarms, dili na ka mosul-ob og mga sexy ug strapless blouses ug bathing suit . Hadlok kang makita sa imong mga kauban ug sugsugon ka. Pero, dili angay maguol kay matod sa mga eksperto, nay mga paagi para momenos ang kaitom sa ilok. Suwayi ang ilang suhestiyon.
1. Ilisi ang imong hair-removal method. Kung cream imong gigamit, duna ni isog nga acid para makatangtang sa balahibo (o buhok) sa ilok pero makapa-itom sad sa panit.
2. Menosan ang pag-shave kay posibleng rason sad ni. Suwayan ang waxing pero importante nga usa ka propesyonal ang mobuhat ini.
3. Likayan ang pagsul-ob og sobra ka piit nga blouse. Ang kanunay nga pagbagnos-bagnos ini sa panit makapa-itom sa ilok. Sul-ob og medyo luag-luag.
4. Regular ang paghugas sa underarms. Ang poor hygiene, makapapundok sa hugaw ug oil sa ilok.
5. Suwayan og pahid sa mixture sa lime juice, milk powder ug honey. Ipabilin sud sa 15 minutos unya waswasan og tubig.
6. Dili isagunson ang paggamit og lightening cream. Kinahanglan mo-konsulta sa doktor para sa saktong pagpili sa produkto nga luwas para nimo.
- Latest
- Trending
