Gula 7
“Tinuod, duna ko’y girlfriend apan bati na ang among relasyon kay nausab na ang iyang tinagdan nako karon nga hapit na kuno siya mahimong abogado. Aw sumala, gikan sa atong panagkuyog ganina, nakabantay ka ba nga mikontak siya nako?” pasabut ni Clifford.
“Kun mao na Clifford, nabugnaw ka na niya? Ingon baya ‘sab niana ang akong gibati sa boyfriend kong Hapon kay nahibaw-an nako nga diha’y higayon nga mianhi siya sa Pilipinas, apan didto ra kutob sa Manila. Akong gipangutana gilimdan ko niya,” matud ni Darlyn.
Inanay nga gibitad ni Clifford ang bukton ni Darlyn ug takulahaw lang nga nagkadikit ang ilang masi’g ka lawas. “Kun mao kana Lyn, managsama diay ang atong sitwasyon. Tukma kaayo nga dugtongon nato ang atong mga pagbati ug angkonon nato ang usa ka matam-is nga pagminahalay.”
“Clifford,” igo ra nga nakalitok si Darlyn sa ngalan sa Sugbuanong ulitawo dihang gigakus na siya ni Clifford ilawom sa tubig. “Wala bitaw ko masayod nganong misugot ko nga mag-tour guide nimo Cliff nga dugay na man unta ko nga mihunong niining trabahoa,” matud ni Darlyn.
“Ang kahitas-an maoy nagbuot nga dinhi sa Bohol tagboon niya ang nagkasanga nato nga dalan sa kinabuhi Darlyn. Gikan karon, ikaw na ang akong isipon nga darling to my heart,” giingnan ni Clifford si Darlyn ug gihagkan.
Wala makasabot si Clifford sa iyang gibati. “Gikan karong orasa, dili ka na tour guide nako, kun dili ikaw na ang akong girlfriend.” Lalim kaayo ang gibati ni Clifford nga nagpikit ang masi’g nila ka lawas samtang nagaksanay ilawom sa tubig sa dagat.
“Tana, adto usa ta sa cottage kay mangaon usa ta kay gigutom na ko da,” giingnan ni Clifford si Darlyn. Nagsunod si Clifford ni Darlyn dihang migawas na sila sa baybayon. Nagpanglad-ok siya sa iyang laway nga nagsud-ong sa maayo kaayo nga magkalalik nga lawas sa dalaga.
“Kasuwerte nako kun mapangasawa tika Lyn kay kun ang imong lawas itandi nato sa usa ka siesta, maayo kaayo kini nga pagka-angay,” matud ni Clifford nga miagbay na usab ni Darlyn samtang naglakaw sila paingon sa cottage.
Pagsulod nila sa cottage, misulod si Darlyn sa banyo aron manghinawnaw og tab-ang nga tubig. Misunod si Clifford pagsulod ug dungan sila nga naligo.
“I love you Darlyn.. I love you Clifford.” Nagparayganay ang duha nga wala nay makatugaw pa kanila. (Katapusan)