Druga

Daghan kining mga tawo karon nga maayo na gayod pagka buang niining droga. Sa tibuok nasud, halos ang tanang pamantalaan naghisgot mahitungod bahin sa droga. Kadaghanan sa atong mga batan-on daw wala sa kahadlok nga kung madakpan sila adto man sila punita sa bilanggoan. Kanus-a pa kaha sila motagam?

Si Merto, usa ka tawo nga ang trabaho mao ang pagpahuyot og droga taliwala nga maayo na man unta ang iyang trabaho sa kompaniya nga iyang alagaran. Dako-dako ang iyang suweldo nga madawat apan tungod lagi sa pangandoy nga mokita pa gayod og dako nga kuwarta, naghimo siya’g sideline pinaagi sa pagpayuhot og droga. Giagni man god siya sa iyang ig-agaw nga usa ka enhinyero nga magbiyahian sa Manila ngadto sa Mindanao. Tungod niini, walay problema ang pagpayuhot og droga.

“Ang imong biligyaan, mao ang mga batan-on diha sa inyong dapit,” matud sa iyang ig-agaw. “Sa usa lang ka kilo nga shabu, mokita kana og kapin sa bayenti mil. Ang gikinahanglan lang mao ang diyotay nga kaigmat batok sa mga suluguon sa balaod.”

Mao kadto nga misulod si Merto isip iyang sideline sa mga bakanting panahon ilabi kung walay trabaho ang ilang opisina. Ug tuod nahigalam si Merto dihang usa ka adlaw iyang gikuwenta ang kuwarta isip iyang bahin gikan sa iyang sideline. Kapin sa napulo ka libo sulod lang sa duha ka bulan. Tungod niini, gikan sa iyang sideline, nakapalit siya’g usa ka bag-ong motorsiklo.

Padayon si Merto sa iyang sideline. Ang iyang gibuhat mao ang pagbayad sa polis aron dili siya basta-bastang sitahon. Ang problema lang niya mao kadtong mga polis nga bag-ong naasayn sa ilang dapit apan sa mga polis nga taga dinhi sa iyang barangay, wala’y problema halos ang tanan iya mang kompare.

“Pag-ayo ayo lang Pre kung dili ka masikwati sa uban,” pulong sa iyang higalang polis. “Dinhi, kanako, walay problema.”

Apan usa ka adlaw’ng Sabado, nalingaw kaayo si Merto tungod sa mga batan-on nga iyang kliyente sa shabu. Pag-adto niya sa pikas nga barangay maoy misugat kaniya ang duha ka polis, nga sukad mao pa niya ihibalag ug ang tuyo sa duha ka polis siya kay nabaniog na ang iyang binuhatan. Walay nahimo si Merto, gidakop siya gidala sa presinto.

Didto sa presinto gipasakaan siya’g kaso tungod kay diha sa presinto, nakitaan siya’g kawhaan ka stick nga shabu.

Tungod sa maong panghitabo, nawad-an si Merto ug ang iyang pamilya sa trabaho ug matud pa, sa hepe sa polis nga midakop kaniya, hayan, mabilanggo siya sulod sa lima ngadto sa walo ka tuig.

Hilabihan ang pagbasol ni Merto sa nahitabo kaniya. Unsaon man niini karon nga ang midakop kaniya dili man gayod niya kaila?

Didto sa bilanggoan, dunay nagsulti kang Merto nadakpan siya sa pagpayuhot og droga, pinaagi ra usab sa iyang higala nga polis nga dakong supak niining binuhatan sa pagpayuhot og droga kay matud pa sa polis nga iyang higala, kining pagpayuhot og droga, ang lagmit nga mabiktima mao ra ang atong mga kabataan. (Kataposan)