Wow legs

Karong panahona, uso na kaayo ang pagsul-ob og shorts dili lang sa mga batan-on kundi hasta pud ang medyo edaran na. Mao ni ang pinaka-komportableng isul-ob labi na kung init ang panahon. Pero, para mas angayan tan-awon, kinahanglan atimanon ni para mas presentable ug dili ka sugaton sa mga saway. Diay mga tips gikan sa mga eksperto haron ma-improve ang kondisyon sa imong legs.

1. Ang paa, kinahanglan dili tambok ug dili sad daot. Kung tambok o daot ni, dunay lain-laing exercises nga pwedeng buhaton haron mo-improve ang hitsura ini.

2. Pag-maintain og healthy diet. Kaon og daghang prutas ug utan.

3. Inom og daghang tubig.

4. Regular nga mag-exercise para mawagtang ang sobrang fats sa imong lawas. Isagol ang cardiovascular ug muscular exercises.

5. Kung balhiboon ka, pangita og hair removal procedure nga angay nimo sama sa pagpa-wax o kaha pag-shave. Mahimong hamis ang panit sa paa ug mas sexy tan-awon.

6. Once a week, mag-exfoliate para matangtang ang dead skin cells. Gamit og loofah o labakara.

7.Pag-apply og lotion ug imasahe ni samtang imong ipahid. Buhata ang pagmasahe sud sa pila ka minutos.