Duha ka dagway sa usa ka tawo

Gula 14

“Dili sab ikaw ang unang burikat nga akong gigamit. Daghan na. Pero ikaw lang ang nakadiskubre nga usa ko ka pari.”

“Nganong wala ka man lang hinuon magminyo?”

“Ang buot mong ipasabot nga biyaan ko ang pagka-pari ug magpakasal sa usa ka babaye?”

“Oo. Aron ba dili ka na mogamit og burikat. Ako’y nahinugon kun simbako mataptan ka’g sexually-transmitted diseases sama sa AIDS.”

“Wa koy planong magminyo, Claire. Kontento na ko sa ingon niining kahimtang. Wa ko mangandoy nga makabaton og pamilya uban sa usa ka babaye ug mga anak. Dili ko gusto’g responsibilidad.”

“Pwes, nganong nagpari ka man? Dili ba mas dako man hinuon ang imong responsibilidad isip pari ngadto sa katawhan?”

“Tinuod kana. Apan gaan ang among responsibilidad tungod kay dili ko man kini pangunayan pagsangon sa kaugalingon kong abaga. Mahimo man nga ipasa ko ngadto sa katawhan ang mga buluhaton samtang ako mangiyugpos ug magmandar-mandar lang. Ingon niana kahayahay ang kinabuhi sa usa ka pari.” -- Sumpayan pa