Make up tips sa imong kasal

Di man kinahanglan mobayad pa og make-up artist para sa adlaw sa imong kasal. Pwede nga ikaw ray mobuhat ani basta mag-practice lang sa layo-layo pa para duna nay idea unsay bagay para nimo. Mas maayo sad nga magpakuha og picture para makita gyud kung dunay angay pun-an o angay menosan. Diay mga tips gikan sa ekspertong make-up artist nga maoy mo-guide nimo.

1. Gamit og yellow-toned foundation. Ipahid sugod sa dapit sa ilong ug baba kung asa dunay puwa-puwa unya i-blend sa tibook nawng.

2. Ig human, butang og concealer ug foundation, pulbusan ni og loose powder para mo-last ug para dili magsinaw ang nawng sa mga litrato.

3. Kung dunay open neckline ang gown, pulbusan gamay og bronzing powder.

4. Gamit og waterproof nga eyeliner ug mascara para di magkampat kung mohilak ka.

5. Gamit og duha ka klase sa blush. Apply og una ang neutral shade sa apples sa aping ug i-blend kutob sa hairline. Unya sapawan og brighter shade ang aping.

6. Pili og lipstick nga usa o duha ka shades nga darker kaysa imong naandan. Luspad tan-awn sa litrato ang neutral or pale lip colors.

7. Gamit og lip pencil before mag-lipstick para mas molungtad.

8. Pagdala og touch-up kit nga dunay concealer, pressed powder, lipstick o gloss, lip liner ug tissues.