Duha ka dagway sa usa ka tawo - Gula 6

Nahimuot siya sa hilom sa ilang kahimtang. May panagtagbong seksuwal na nga nahitabo kanila ayha pa sila nagkailhanay. Hinuon, dili na kini bag-o alang kaniya. Mao kini ang sagad niyang nasinati uban sa mga lalaki nga nahimo niyang kustomer. Nakasabot siya kun ngano. Sagad sa mga lalaki nga mamalit og binayrang kalipay dili interesado sa iyang ngalan ug pagkatawo. Interesado lamang sila sa iyang pagka-babaye.

Sa iya pud nga bahin, kun dili pa lang tungod sa tinguha nga makakuwarta, kaayo gyung tamparoson sa mga lalaki nga motakubang kaniya. Luod alang kaniya ang iyang gibuhat. Dili lalim ang pagpakighilawas sa lalaki nga wala niya magustohi. Apan gitulon niya ang kabidli. Kun ang iya rang lawas maoy ilang giapas, ang ila ra usab nga kuwarta ang iyang giagap.

Pero lahi kini si Ryan nga iyang nakustomer karong gabhiona. Nabatyagan niya nga gaan ang iyang kabubut-on ngadto kang Ryan. Daw gusto niyang himuon ngadto niini ang pagtagbaw sa serbisyo nga wala niya mahimo ngadto sa uban niyang mga kustomer. -- Sumpayan pa