Magpagwapa ta unsaon magpadaot

Diay mga tips nga girekomenda sa mga eksperto nga makatabang sa pagtaktak sa unwanted pounds sa imong lawas. Simple lang kini ug daling sundon.

1.Kinahanglan nakahibaw ka pila ang calories nga imong kinahanglan.

2. Kaon og daghang prutas ug utan kada adlaw. Daghan ni og fiber, bitamina ug antioxidants. Dali kang makabati og kabusog. Ubos sad ni sila og calories.

3. Bantayan ang gidaghanon sa pagkaon matag serving. Di kinanglan hutdon og kaon ang naa sa plato. Ipaputos kung dunay sobra.

4. Ayaw og sipyat sa imong meals. Imbes katulo nga regular meals, himoang 5-6 times nga ginagmay nga meals sa tibuok adlaw.

5. Palit og lab-as nga pagkaon ug hinay-hinay sa processed foods. Taas ni sa sodium ug fat content. Makatabang pagpa-slim ang pagkaon ug home-cooked meals sa trabaho kaysa mokaon sa restawran.

6. Dili sad palabian ang pag-diet. Hatagan ang kaugalingon og chance makakaon sa mga paborito pero ginagmay lang ug panagsaan lang. Kung sobra ka-istrikto ang diet, daghan ang dili makalampos.

7. Magkat-on og sabut sa nutrition label sa packaging.

8. Ipalabi ang pag-inom og tubig ug likayan ang mga tam-is nga ilimnon sama sa juice, softdrinks, cream ug asukar sa kape o tsa.

9. Exercise. Trayenta hangtod sayisenta minutos sa physical activity makatabang og dako nga magpabiling healthy ang lawas.