Duha ka dagway sa usa ka tawo

Gula 3

“Kaganina ka ra bang naghuwat nako?” Sukit ni Claire.

“Dili pa lang dugay,” mubong tubag niini.

“Salamat kun mao. Abi mo, wa ako maanad nga paaboton og dugay sa kustomer.”

“Kun ingon nimo ka guwapa ang akong paaboton, bahala nag maabtan og siyam-siyam, dili gyud ko abton og kalaay.”

Gipugngan niya ang kahimuot nga hapit na moaslay sa iyang mga ngabil. Dili siya buot makita sa lalaki nga flattered siya sa gisulti niini.

“Wa gyud masayop kadtong bugaw nga nagrekomendar nimo ngari, nako,” sa lalaki pa. “Husto siya sa iyang gisulti bahin nimo.”

“Nga unsa?” Usisa niya.

“Nga di ko magmahay kun ako kang matilawan. Gipakita ko niya sa imong retrato ug sa ubang mga babaye nga iyang gibugawan aron ako makapili. Pero ikaw gyud ang iyang girekomendar. Sa hulagway pa lang gani, nadani na ko nimo. Karon akong namatud-an nga mas makabibihag ka gyud sa personal.” -- Sumpayan pa