Wa kasabot sa kaugalingon

Dear Tita Salie,

Maayong adlaw kanimo. Tawga lang ko sa pangalan nga Paul, hingkod na ang pangidaron og usa ka ulitawo.

Gusto lang nako nga imo kong pasabton sa akong kalibog kabahin sa akong kaugalingon. Kay hangtod karon dili gyud ko kasabot nako, kun unsa gyud ko.

Ania ko nagpuyo sa Minglanilla, Cebu og halos ang tanan nga nakaila nako naglibog na usab sa akong pagkatawo. I don’t know what I really I am. Sometimes man gud, Tita Salie, maibog man ko sa pareho nakong lalaki. Ganahan kaayo ko magtan-aw sa gwapo ug macho nga lalaki. Maglaway pa gyud ko usahay.

Pero aduna man pud ko’y uyab nga girl. Na-inlove ko sa usa ka babaye. Ug dili kay uyab lang, kanunay pa gyud mi nga mo-check in sa motel. Syempre, mag-sex gyud mi sa akong girlfriend. Apan maglibog gyud ko kay samtang nag-sex mi atua man ang akong hunahuna sa lalaki nga akong naibgan. Mag-imagen man ko nga kami ang nag-sex nga ang ako man untang uyab nga babaye ang akong ka-sex.

Lainan gyud ko sa akong feeling, Tita. Dili gyud ko kasabot sa akong kaugalingon. Palihog pasabta ko. Daghang salamat sa imong pagtagad, God bless.

 -- Paul

* * *

Maayong adlaw Paul,

Tinuod gyud nga makalilibog kaayo ang imong pagkatawo. Kay sumala pa kanimo nga bisan kun nakighilawas ka sa imong uyab nga babaye apan ang imong gi-imagen mao man ang imong naibgan nga pareho nimong lalaki. Wala gyo’y laing tawo nga makasulti sa matuod mong pagkatawo gawas kanimo. Imong hinuktokan kun unsay imong feeling, kun anaa ka kauban sa imong girlfriend. Love ba gyud nimong tinuoray ang imong uyab? Duna ka bay plano nga makigminyo niya? Unsa may imong tuyo ug tumong sa imong pagpakighilawas niya nga ang lalaki man ang imong gi-imagen sa panahon nga mag-love making mo?

Puwede siguro nga makigkita ka og usa ka Pscyhiatrist nga doctor aron magpatabang ka og magiyahan ka nga makita ang imong tinuod nga pagkatawo.

Pero sa akong pagsabot kanimo mora og homosexual gyod ka. Kay mora og mas dominante man ang imong pagkababaye ug kasing-kasing kay ganahan man gyod ka og lalaki. Kay lalaki man ang imong hunahunaon kun makig-sex ka. Tingali kun maulaw ka lang mopagawas sa tinuod mong pagkatawo.

Kun kinsa ka man og unsa ka man ayaw pagtago kay duna kay katungod nga puy-an ang imong kinabuhi sumala sa imong gusto. Aron pinaagi niini motubo ka ug molambo nga dili pinugngan ug walay gitaguan. “Truth will set you free.”

-- Tita Salie