Ang istorya sa pagmahay

Si Marlou usa ka lalaki nga motuo gayod og “true love.” Medisisyon siya sa paghuwat sa saktong panahon nga moabot ra ang tukmang babaye alang kaniya. Kada tuig, sa Pasko si Jade, iyang kanhi nga atua sa Canada mobalik gayod dinhi sa Pilipinas aron sa pagbisita kaniya. Nakahibalo siya nga si Jade naglaom lang gihapon nga magkabalik sila.

Apan dili na siya gusto nga mahitabo kini. Sa maong sitwasyon kada panahon sa Pasko aduna gayud siya’y amiga nga magbarog isip iyang karelasyon aron motuo si Jade nga napupos na ang tanan alang kanila. Gidawat ni Jade ang kamatuoran nga dili gayod sila alang sa usa’g-usa, apan dakong garbo gihapon sa iyang kaugalingon nga walay babayeng milabaw pa kaniya nga nalambigit sa maong hinigugma.

Gikompronta niya si Marlou ug miangkon ngadto sa lalaki nga sa kataas na sa tuig gikan sa ilang panagbulag mao lang gihapon kini ang iyang gihigugma. Gusto man niyang dawaton pagbalik si Jade apan dili niya mahimo tungod kay adunay butang nga gipangita niya sa babaye nga wala na kang Jade. Gipatig-a gayod niya ang iyang kasing-kasing bisan sakit ang maong kamatuoran.

Milabay na usab ang laing tulo ka-tuig, wala na gayud silay komunikasyon ni Jade ug gimingaw na siya sa maong kanhi. Pagkasunod tuig niana aduna selebrasyon ang usa sa iyang mga higala. Miadto siya sa maong lugar nga nag-inusara.

“Hey, nganong nag-inusara ka naman lang karong tuiga? Asa naman diay ang imong mga kauyaban? Unsa namay nahitabo sa imong kanhi nga atua sa Canada?” pangutana sa iyang higala. Nalain ug nahilom siya niadtong higayona apan gibalewala nalang niya kini. Miabot ang usa ka babaye nga mibarog isip iyang uyab sa miaging mga katuigan. Gustohon man niyang ibalewala ang babaye dili sa ingon nga wala siya’y batasan kun dili tungod kay nabatyagan niyang hubog na kini ug dili siya komportableng makig-istorya niini.

“How are you?, enjoying the party?’ sukit sa babaye.

“Yeah” mubong tubag ni Marlou.

“Wala ka ba nanginahanglan og babaye nga pabarogon isip imong karelasyon ning maong tuig?” ingon pa sa babaye.

“Dili ko na kana kinahanglan,” pulong ni Marlou.

“Oh, yes! Maybe you’ve found the perfect one, wala ka naman gud sab nangita sa milabay’ng mga tuig,” matud sa babaye.

Nangitngit ug naglagot siya sa iyang nadungog apan sakto ang maong babaye. Ang istorya sa maong babaye nakapamata niya sa kamatuoran. He was looking for perfection not the “true love.” Iyang nasuta sa iyang kaugalingon nga si Jade, iyang kanhi maoy tukmang babaye nga iyang gihigugma ug siya ang pinaka-importanteng bahin sa maong kinabuhi. Gikontak niya si Jade sa makapila ka beses apan puno sa kahadlok ang iyang kasing-kasing nga mahibaw-an nga aduna na unya kini laing kalambigit. Pero sa kataas ang panahon siya lang diay gihapon ang gihandom ni Jade ug wala gayod kini nawagtangi og paglaom.

Gisugdan dayon ni Marlou ang bag-ong istorya sa ilang kinabuhi ug medisisyon sa pag-apas sa maong hinigugma ngadto sa Canada. Pero sa hamubo nga panahon ra diay kutob ang maong kalipay tungod kay ang amahan ni Jade nagpahibalo kaniya nga patay na ang iyang hinigugma human na-comatose sa maong disgrasya nga “car accident.”

Sa tanang tawo nga may hinigugma, intawon tagae gayod ninyo og importansya ang panahon sa inyong panag-uban. Kay sa kinabuhi pwedeng mahitabo ang tanan. Ug uwahi na unya ang pinakasakit nga “pagmahay”. (Katapusan)