Daw giharian na sa tumang kahinam si Lito niadtong higayona. Gigakus niya si Stella ug gialsa paingon sa kama. Gipakaligo dayon ni Lito sa makabuang nga parayeg ang dalaga.
May nanuktok sa pultahan didto sa gawas. Midali pagtindog si Lito ug gi-double lock ang pultahan aron pagsiguro kay basin og dunay duplicate nga yawe ang kawani sa resort dili kini makasulod sa kwarto.
Mibalik si Lito paghigda sa kama ug gipadayon ang iyang naputol nga pagpabatyag og kalalim kang Stella. Namingaw ang tibuok lawak. Mipaspas ang pinitik sa kasing-kasing sa duha.
Natuman gayud ang gipangandoy ni Lito nga mahitabo tali kanila ni Stella. Nag-abot ang masi’g nila ka gininhawa paghuman gayud sa ilang pagparayganay. Nakabantay si Lito nga naghinuktok si Stella human sa ilang makutas nga kumbati.
“Kun dili pa tungod sa kapobre dili gayud ko mouban nimo dinhi. Napugos ko pag-uban tungod sa imong saad nga hatagan ko nimo’g kwarta para may ikapalit mi og bugas para ugma sa buntag,” ni Stella pa nga masub-anon ang tingog.
Nahimut-okan si Lito nga nakadungog sa gisulti ni Stella kaniya. Wala tuod maglimod si Stella kay basi sa iyang naobserbahan, siya pa ang lalaki nga nakauna sa pagtaak sa gingharian niini.
“Unsa diay trabaho sa imong Papa ug Mama,” bugnaw ang tingog ni Lito nga nangutana kang Stella. Wala dayon motubag ang dalaga, nagpitok-pitok ang mata nga nagtutok sa kisame.
“Masakiton na ang akong Mama, magbalik-balik ra sa ospital unya si Papa kargador ra sa Taboan,” matud ni Stella. Gibati og dakung kalooy si Lito sa dalaga mao nga iya kining gigakus.
Gihapyud-hapyod niya ang buhok sa dalaga. Gihagkan ang ngabil. “Hatagan ko ikaw karon og kwarta para masulbad ang imong problema sa bugas. Patambalan usab nato si Mama nimo, ako’y bahala sa bayranan,” ni Lito pa.
Napagakus si Stella kang Lito tungod sa kalipay. Ang dalaga na gani ang mihawok kang Lito. “Salamat kaayo sa imong pagtabang nako. Unsaon nga ang akong maguwang-lalaki wala man sa’y trabaho,” ni Stella pa.
Nanginit pagbalik ang kalawasan ni Lito tungod sa pagakus ni Stella kaniya. Sa ikaduhang higayon giangkon ni Lito si Stella nga tugob na sa kalipay kay miabag na kaniya ang dalaga. (Sumpayan)