Gitapis ni Lito ang tualya nga diha gibutang kilid sa kama. Karon pa nakahinumdom si Lito nga wala diay siya’y extra nga brep. Taud-taud, mikang-a ang pultahan sa banyo ug miguho ang ulo ni Stella.
“Mamalihog ko’g tunol sa tualya bi ug sa akong sinena kay nadala man diay nako ganina naa gitungtong sa ibabaw sa lingkoranan,” matud ni Stella ngadto kang Lito.
Napugos si Lito sa pagtangtang sa gitapis na unta niya nga tualya. Dayon gikuha ang sinena ni Stella nga diha gisalay sa silya tupad sa kama. Mihinay paglakaw si Lito paingon sa pultahan sa banyo.
Sanglit wala pagnga ni Stella ang suga sa banyo, nasiplatan ni Lito nga walay sapot si Stella nga nagbarug dapit sa pultahan. Milugok ang laway ni Lito nga abtik kaayo nga nakasud-ong sa makabibihag nga lawas sa dalaga.
Mikalit lang og bangon si Junior nga daw nagsugmoy unta kaganina tungod sa kabugnaw sa tubig sa swimming pool. Gidaku-daku pagpakang-a ni Stella ang pultahan sa banyo aron nga masulod ang itunol ni Lito nga tualya ingon man ang iyang sinena.
Inay sirad-an dayon ni Stella ang pultahan dihang nagunitan na niya ang gitunol ni Lito kaniya nga tualya ug sapot, napatiorok si Stella nga nagtan-aw sa nag-ugdo nga brep ni Lito.
Nakabantay si Lito nga mitutok si Stella sa ubos sa iyang pus-on. Gihinay-hinay ni Lito pag-abli ang pultahan sa banyo. Dihang tungora, nabantang na gayud sa panan-aw ni Lito ang hubo nga lawas sa dalaga. Walay langan-langan nga gigakus ni Lito si Stella. Gikuha ni Lito ang tualya ug sinena gikan sa kamot sa dalaga ug gikab-it niya kini sa kaw-itanan sulod sa banyo.
Nagdip-ig na ang masig nila ka mga lawas. Wala mopalag si Stella sa gihimo ni Lito ug kahilom ang mihari sa tibuok banyo sa lawak sa cottage.
Daw nagkatagbo ang huna-huna sa duha ka mga uhaw sa gugma. Nagparayganay sila nga maoy nakamugna og kainit sa tagsa-tagsa nila ka kalawasan. Taud-taud, nadungog ni Lito nga dunay nanuktok sa pultahan sa kwarto.
Nasayud siya nga ang naghatud na kini sa gi-order nila nga pagkaon. Gipasagdan ra ni Lito ang nanuktok ug maoy gipasuwabe ang pagbusog sa iyang kaugalingon sa mga parayeg ni Stella.
Gikawhat ni Lito ang tualya ug gitrapohan ang kalawasan sa dalaga. Giagbayan niya si Stella paingon sa higdaanan. (Sumpayan)