Mata sa Kasingkasing
Gula 130
“May gikahiubsan ka ba nako, Robert?” Nakapangutana si Angeline usa ka higayon niana nga nagkasulti sila sulod sa school campus.
“Wa man,” ni Robert pa. “Ngano man diay?”
“Nabag-ohan man gud ko sa gipakita mong lihok ning nangaging mga adlaw. Mora’g lahi ka na sa una.”
“Ayaw lang hatagi’g gibug-aton ang nakita mong kausaban sa akong linihokan. Way big deal bahin niana. Okey?”
Wala na lang modugang pagpangutikuti si Angeline.
Usa ka gabii niana, bisita ni Angeline si Erik sa iyang boarding house. Nakamatikod siya nga masulob-on ang panagway ni Erik.
“Nag-away mi si Almina,” tug-an ni Erik. “Gusto niyang magpakasal na mi samtang dili pa klaro ang iyang tiyan.”
“Wa pa gyud diay mo magkasinabot hangtod karon mahitungod nianang butanga?” Sukit ni Angeline.
“Wa pa gyud. Ug gustong magpatabang nimo.”
“U-unsay akong ikatabang?”
Si Erik gustong magpatabang kang Angeline aron malikayan niini si Almina. Nakugang si Angeline sa pabor nga gipangayo ni Erik kaniya. -- Sumpayan pa
- Latest
- Trending
