Unsaon pagpa-seksi?

Siguradong nakasuway na mo, mga ladies, nga makadungog og pundok sa mga lalaki nga gaestorya bahin sa mga babayeng seksi. Dili angay masuya. Pwede sad mong magpa-seksi bisan unsa pay kolor sa inyong pamanit ug buhok or unsay porma sa lawas. Kinahanglan lang ang determinasyon. Sunda ning mga tips gikan sa mga eksperto para duna moy idea unsaon.

1. Importante nga kanunay kang limpyo. Maligo at least once a day gamit og humot nga sabon para humot sad kang simhoton.

2. Dili ibale-wala ang ngipon. Mag-toothbrush, floss ug gamit ug mouthwash. Magpa-check up sa dentist.

3. Limpyohi ang mga kuko. Dili kinahanglan mogamit og nail polish. Ig human kaligo, iporma sad ang kilay para hapsay tan-awn.

4. Ipa-style ang buhok. Bisitahi imong paboritong beauty parlor. Ang bag-ong putol ug style makahatag og confidence para feeling seksi ka. Ipa-usab ang kolor sa buhok, ipaputol ang split-ends.

5. Atimana ang pamanit. Kung mahalan sa pa-facial sa salon, pwede mag-steam facial sa balay. Sudlan ang panaksan og gabukal nga tubig ug magtabon og tualya. Iatubang ang nawong sa panaksan pero kadiyot ra kay makadaot pud kung masobrahan. Manghilam-os dayon og facial wash gamit ang bugnaw nga tubig para mosira ang pores.

6. Ipakita ang imong style. Sul-ob og mga sinina nga angay sa imong porma. Pero importante nga komportable ka sa imong ipanul-ob.

7. Enrol og dancing lessons kay makatabang ning mahimong seksi ug graceful ang imong paglihok-lihok. Daghan sad ni og health benefits.

8. Pag-make up og sakto-sakto lang, ayaw gyud palabii. Light lang para ma-enhance imong beauty.

9. Pagpili og exercise nga gusto nimo. Ayaw ipugos imong kaugalingon sa exercise nga di ka ganahan. Buhata ni regularly.

10. Be yourself. Ayaw pagsunod-sunod sa uban. Be original. Kinahanglan unique ka sa imong kaseksi.