Gula 118
Nasayod kong gibuhat sab niya ang tanan aron ako siyang higugmaon. Ugaling lang kay lisod tudloan ang kasingkasing.”
“Kinsa man diay ang lalaki nga maoy matuod mong gihigugma, Angeline? Nakaila ba ko niya?”
“Sorry, di ko kini ikatug-an nimo Erik. Mauwaw ko.”
“Pagkasuwerte sa maong lalaki nga maoy imong gipili nga higugmaon.”
“Demalas hinuon siya kun ako pa sab ang iyang gihigugma.”
“Ngano man?”
“Tungod kay di mi pareson in many aspects. Sa kahimtang, sa personality, bla-bla-bla...”
Wala na motingog si Erik sa gisulti ni Angeline.
“Ang babaye nga maoy matuod mong gihigugma maoy suwerte kun kamo pay nagkarelasyon,” ni Angeline pa. “Naseguro kong magmalipayon gyud siya sa inyong relasyon.”
“Buhaton ko gyud ang tanan aron siya magmalipayon,” ni Erik pa. “Unta magkahigugmaay gyud kami sa umaabot nga mga adlaw.” -- Sumpayan pa