Gula 111
Apan si Yuri wala mopatuo. “Pasagdi ko,” matud sa lalaki nga mihalok sa iyang liog ug dughan. Gipaganahan siya’g maayo sa lalaki.
Nabatyagan ni Salie nga daw dihay kaliboan ka bultahe sa kuryente nga mikuyamang sa iyang kaunoran dihang miukob ang mga ngabil sa lalaki sa iyang dughan. Dihay kagilok nga nagdulot og talagsaong kalalim nga iyang gibati. Napaak niya ang iyang mga ngabil samtang mikumpayot siya sa mga abaga sa hinigugma.
Ingon diay niini ang gugma! kanindot! Nakatuaw siya sa hilom.
Gitagsatagsa pagtangtang ni Yuri ang mga batones sa iyang bestida. Mainampingon nga gihushos sa ulitawo ang iyang sinina. Wala na siya makatutol kay gigamhan na siya sa kalalim nga miulipon sa iyang kaugalingon.
Gihagkan sa ulitawo ang tunga-tunga sa iyang dughan samtang ang kamot niini nagpahigayon pagtangtang sa iyang bra. Dihang natangtang na, gidaitlan sa nagkurog niining mga ngabil ang kaluhang mga bungtod sa iyang dughan.
Nakalimbag siya sa kagilok. Nakapanguma siya sa mga buhok sa ulitawo dihang gidula-dulaan ug gipaakpaak niini’g hinay ang daw pasas sa taluktok sa iyang dughan. Mihangos siya.
Daw sa mabuang si Salie sa kalalim nga iyang gibati. Ang matag-gimok sa mga ngabil ni Yuri nakapakurog sa iyang kahiladman ug daw mibayaw kaniya sa kahitas-an. Daw sa mabugto ang iyang gininhawa sa sobrang kakusog sa pinitik sa iyang kasingkasing.
Gibaswat siya sa ulitawo ug gisulod sa usa ka kuwarto habig sa tuo. Usa ka guest room ang maong lawak. Adunay kama ug sa usa ka bahin niini, adunay bentana ug mubong sopa.
Gihagkan siya’g pinadulot ni Yuri samtang gihinay pagbutang sa kama. Midapat ang iyang bukobuko dihang gipahigda siya sa ulitawo. Unya mihagsa sa ibabaw sa iyang lawas ang hubong lawas sa hinigugma. Nabatyagan niya ang kabug-at niini. -- Sumpayan pa