Gula 111
“Magbuwag na ta, Robert,” nagkanayon si Angeline usa ka higayon niana nga nagkasulti sila sulod sa canteen sa tulonghaan.
Nakugang si Robert sa kalit nga desisyon ni Angeline.
Daw nahisagmuyo pag-ayo si Robert sa hukom ni Angeline pagputol sa ilang relasyon.
“Unsay akong sala, Angeline?” Pakisayod ni Robert. “Nganong gusto ka man nga makigbuwag nako?”
“Wa kay nahimong sala, Robert,” ni Angeline pa nga kadali rang nakabunlot og katarongan. “Nasuta ko lang karon nga di diay ko makahimo sa pag-concentrate sa akong pagtuon ug pagpakigrelasyon sa opposite sex at the same time. Maong nakahukom kong mag-break-up ta.”
“Di ko mosugot.”
“Sabta ko, Robert.”
“Kun buhaton mo kana, sama ra nga gipatay mo ang akong paglaom.”
“R-Robert?” -- Sumpayan pa