Mata sa Kasingkasing

Gula 108

Pero karon lagi, wa man unta siya makigrelasyon. Pero nasakitan siya kay ang lalaki nga gihigugma niya sa hilom nakigrelasyon man sa laing babaye. Niini, na-realize niya nga makigrelasyon man siya o dili, masakitan gihapon siya kun ang gugma dili alang kaniya. Busa, mas maayo pang-makigrelasyon siya! Tun-an niya ang iyang kaugalingon sa paghigugma kang Robert. Ug bahala na. Nakadesisyon na siya.

Mao nga sa sunod higayon nga misukna si Robert mahitungod sa gugmang gihalad niini kaniya, gisugot na ni Angeline ang ulitawo.

“Tinuod ka, Angeline?” Daw di makatuo si Robert sa iyang hukom.”

“Wa ko magtiaw, Robert,” ni Angeline pa. “Hinaot nga di ko nimo pasakitan.”

Sukad niadto, malipayon na kanunay sila si Robert ug Angeline. Sa sulod ug gawas sa tulonghaan, mamatikdan ang ilang sweetness. Wala malilong ngadto sa ubang mga estudyante ang ilang relasyon. Apan dakong supak si Erik sa pagpakigrelasyon ni Angeline kang Robert. -- Sumpayan pa