Dili romantic

Dear Tita Salie,

Have a nice day, Tita. Just call me Angel, married and still young. My concern is about my partner. I am just wondering parti niining kinaiya sa akong partner.

Ganahan gayod kaayo ko magtan-aw sa mga magtiayon nga sweet kaayo. Ilabi na kun paraygon kaayo ang bana. Kay normal kaayo nga paraygon kaayo ang asawa ngadto sa iyang bana. Apan kun ang bana gani ang malambing o paraygon sa iyang asawa kiligon gayod dayon ko. Ug usahay masuya ko kay mao man kini ang akong suliran karon nga gusto nako pangayoan og pagpasabot kanimo, Tita.

Kini god akong pares, Tita, dili gayod molambing nako. Dry kaayo ang tinagdan kanako. Dili gayod siya kamao magparayeg. Dili gayod siya romantic. Ug kabahin sa among sexlife, dili pud ko ganahan kay dili siya kamao mopagana kanako. Moderitso lamang siya’g sakay kanako walay triling, Tita. Unya inighuman niya motalikod na lang dayon ug matulog. Nganong ingon man siya niini? Unsa may akong buhaton? Palihog pasabta ko. Thank you very much. -- Angel

* * *

Dear Angel,

Kun duna kay makit-an nga sweet kaayo nga magtiayon dili kana tungod kay romantic o paraygon ang bana. Nahimo silang sweet o paraygon nga mga magtiayon tungod kanilang duha. Dili maayo kun sa kaminyoon usa ra ang agdon, usa ra ang palihukon. Kinahanglan kamong duha ang magtambayayong aron inyong makab-ot ang inyong gustong mahitabo.

“Man is unique” matud pa sa English. So, kun unique ang kada tawo lahilahi gayod ta og gusto. Lahilahi pud ang pagkatawo apan parehas tang tanan mga tawo.

Kun unsa ka karon sa imong pagkatawo tungod kana sa imong mga parents, tungod kana sa imong environment nga gipuy-an ug tungod sa imong edukasyon. Dunay magtiayon nga sweet kaayo sa usa’g-usa. Ug ang anak inigkadako niya ug kun maminyo siya posible gayod nga iya usab nga buhaton kun unsay iyang nakita sa ilaha. Tingali ang imong bana wala niining hunahunaa. Ug kay ikaw man ang anaa dapat ikaw ang mag-initiate. Imo siyang tudloan unsay dapat buhaton aron modungan ang inyong pagkamalipayon.

Imo siyang anaron nga kada human ninyo og sex maggakos-gakos usa samtang mag-istoryahanay hangtod nga mupiyong ang inyong mga mata sa katulogon. Mas maayo kun kanunay ka humot aron ganahan siya kanunay maggakos-gakos nimo. -- Tita Salie