Mata sa Kasingkasing

Gula 86

Kun may pagbati na ba siya alang sa ulitawo nga taudtaod nang nangulitawo kaniya. Dugaydugay na gyud ang pag-antos ni Robert.

Apan nasuta ni Angeline nga wala gayod siya’y paghigugma kang Robert. Dili siya andam nga makig-relasyon niini. Iyang natugkad sa iyang kaugalingon nga si Erik pa gihapon ang gipitik sa iyang kasingkasing.

“Gikasubo ko, Robert,” ni Angeline pa. “Dili pa ko makadesisyon.”

“Nganong nagdumili ka man gyud pagdawat sa akong gugma?” Pakisayod ni Robert. “Kun wa pay laing tag-iya ang imong kasingkasing, nganong giayran man nimo ang akong gugma? Tungod ba kay nabantog ko nga palikero sa atong tulonghaan?”

“Daygan ko na lang gyud ikaw Robert. Usa kana sa akong gikahadlokan. Di ko gustong masakitan sa akong pagpakigrelasyon sa usa ka lalaki.

“Isaad ko nga mag-usab nako kun dawaton mo ang akong gugma, Angeline.”

“Di ko gustong malit-ag, Robert. Pakitaa una ko’g kausaban sa imong kinabuhi. Kun makakita na ko’g ilhanan sa kausaban, tingali mao na kana ang panahon nga modesisyon ko pagdawat sa imong gugma.” -- Sumpayan pa