Dear Tita Salie,
Have a pleasant day, Tita. Tawga lang ko sa pangalan nga Ms. Fourteen, I am 19 years of age. Nagpuyo ko karon diri sa Toledo, usa pa ka dalaga ug usa ka Muslim apan duna ko’y uyab nga usa ka Kristiano.
Sekreto lang gayod ang among relasyon kay bawal kasi kami makipagrelasyon sa mga Kristiano. Five months na ang sekretong relasyon namin, Tita. Tapos gusto ng boyfriend ko na magka-baby na kami.
Love gayod kaayo nako siya ug love na love pud ko niya. Ug dili ko gusto nga magkabulag kami. Pero kun ako siyang paundayonan sa iyang gusto nga dunay baby nahadlok pod ko nga mabulgar hinuon ang among tinaguang relasyon.
Dili gayod ko mahimutang nga maghunahuna sa among kahimtang, Tita. Lisod kaayo kun walay freedom kay maglisod gayod ta og lihok. Unsa kahay angay nakong buhaton, Tita, aron maluagan ang gihambin kong suliran? Palihog Pasabta ko, Tita. Ako gayod hulaton ang imong tubag. Thank you very much and more power.
-- Ms. Fourteen
* * *
Ang imong suliran, Ms. Fourteen, maoy timaan nga ang atong kasingkasing dili gayod mahimong diktaran kun kinsay iyang mahalon ug panggaon. Ang gugma wala’y giilang estado sa kinabuhi, datu ug pobre puyde, gwapo ug bati adunay pagbati. Ang gugma wala’y giilang relihiyon, kay ang kasingkasing adunay kaugalingong rason.
Sa imong sitwasyon, dili ko mohukom nga ang lalaki ang imong pilion. Labaw na nga dili ko moingon kalimti siya ug padayon sa imong relihiyon kay ikaw ra gayod mismo ang makatubag sa imong pangutana kun kinsa sa duha. Since, dili man gayud puyde nga ang duha imong maangkon.
Busa, ang maayo nimong himoon nga imong hunahunaon kun hain ang imong palabihon. Makaya ba nimo nga talikdan ang tinuohan ug ang imong pamilya tungod nianang lalakiha?
Nganong dili nimo suwayan og sulti ang imong ginikanan. Imo silang hatagan og usa ka pananglitan kun ma-inlove ka sa usa ka lalaking Kristiano unsay ilang mahimong reaksiyon. Aron imong masukod ang anaa sa ilang kabubut-on. Ug sa ingon niini makakuha ka na og idea ug masayod ka unsaon nimo pagdala ang maong problema.
-- Tita Salie