Mata sa kasingkasing
Wala motingog si Angeline. Gitutokan niya si Erik.
“Ang akong pagpangayog pasaylo sa gibuhat ni Almina nimo naggumikan sa guilt,” pasabot ni Erik. “Guilty ko sa nahitabo nimo tungod kay kun dili pa tungod nako dili unta ka matamparosan ni Almina.”
“So, karon hinaot nga nakasabot ka na kun nganong gusto kong molikay nimo, Erik,” ni Angeline pa. “Dili ko gusto’g gubot. Di ko gustong samokon ni Almina matag karon ug unya.”
Human sa ilang panagsulti, miuna nag gawas si Angeline sa canteen. Mogawas na unta siya sa exit gate sa main lobby sa tulonghaan dihang may mikuhit kaniya gikan sa iyang luyo. Milingi siya. Si Robert ang iyang nakita.
Gustong makigsulti si Robert kang Angeline. Paggawas nila sa school campus, nagpahatod sila’g traysikol paingon sa downtown.
Usa ka outlet sa Jollibee ang ilang gisudlan. Ug samtang sila nagpadayon sa pagpangaon, nagkalingaw sab sila’g kabildo.
“Kdali rang nabaniog sa atong eskuylahan ang bahin sa nahitabo ninyo ni Almina,” nagkanayon si Robert.” -- Sumpayan pa
- Latest
- Trending
