Mata sa kasingkasing

“Ang gusto ko lang untang mahitabo mao nga dili maguba ang maayo natong pagtinagdanay, Angeline,” nagkanayon si Erik. “Dili ko gustong masakripisyo ang atong friendship tungod sa maong isyu.”

“Dili man tingali matapos ang kalibotan kun mabugto ang atong panaghigala, Erik?” Para nako, mas importante ang relasyon ninyo ni Almina kay sa atong panaghigalaay. Katungod ninyo nga malipay. “Wa lagi mi relasyon ni Almina. Wa...!”

“Di na lang ta maglalis mahitungod niana. Basta, di ko gustong makasamok sa inyong relasyon. Ug hinaot nga nakasabot ka sa akong tumong.”

Human sa panagsulti nila ni Erik, si Angeline mibalik na sa iyang lawak. Mihigda siya sa iyang deck. Wala lang tuyoa, nahinumdom siya sa gipanagsultihan nila ni Erik dili pa lang dugay. Naglibog si Angeline.

Miinsister si Erik nga wala sila’y relasyon ni Almina. Pero nganong nanugilon man si Almina sa mga estudyante sa tulonghaan nga ilang gitunghaan, nga nagkauyab na sila? Makalibog!

Usa niana ka adlaw, nabasahan ni Angeline sa usa ka lokal nga pamantalaan nga nagsale sa Island City Mall. Dihang nahuman na ang iyang klase, midalikyat siya’g adto sa ICM. -- Sumpayan pa