Teksmate-bedmate

Lynn! Alynn! Mitawag si Jovie. Uy, Jov! Ikaw diay na. Wa man dayon ko makaila nimo. Ngano man intawon, Inday, unsa may nausab nako? Smart ka man kaayo ron, nindot kaayo nang imong gisul-ob.

“Ngano man diay ka, Globe?” mikomedya si Jovie.

“Sun ko karon, Jovie,” mibalos pagkomedya si Alynn. “Kinsa man nang imong kuyog?”

“Ako siyang ig-agaw, pag-ila-ila hinuon mo, Lynn.”

“Aw, kana ra diay. O, sige, Alynn ang my name is,” nangomedya si Alyn nga giubanan sa nindot niyang pahiyom. “How about you, sir?” dayong ngisi niini.

“Ako diay si Val, Val Valiente,” mangi-ulawong tubag sa ig-agaw ni Jovie.

Ingon niana ang panagkaila sa duha nga misangpot sa teksanay. Usa ka teks ni Val kang Alynn, “You should smile more often. You’ve got a lovely face and it seems to light up when you smile. Even your eyes smile.”

“Wow!” matud ni Alynn pagkabasa niya sa teks ni Val. Iya dayon kining gibalosan. “When God gave us friends, He is very fair! And when you became my friend (“) I think He gave me more than my share! God Bless! Blessed this day to you!”

Sunod adlaw may teks si Val, “I just knock heaven’s door today and God said, ‘What can I do for you?’ Favor, I said. Please love and protect the one reading my message. He smiled and said, ‘Always’ (“) Good morning.

Gitubag dayon kini ni Alynn, “Being near is not the meaning of being close, I may be far from you but messages are bridges to make you feel that I always remember you. Ingat palagi. Love.”

Gitubag usab dayon kini ni Val.

“I will never exchange you for anybody else ... because there’s only one -U- in the world ... seasons may change but you will always be my sweet and loving friend (“) friend (“).”

Pagka-ugma sa buntag, nag-teks si Alynn, “Minsan tinanong ko sa sarili ko, bakit nami-miss kita? Bakit concern ako sa’yo? Bakit kailangan kitang i-teks? Pero, sabi ng puso’t isip ko, simple lang, “fwndz 4 ev’r. god. am.” Nianang gabhiona, nag teks si Alynn, “I’m doing the best at this moments. Put you in the best place for the next moment in my (“)..”

Nianang gabhiona, miabot si Val, may dala kining pagkaon.

“Uy! Val, nasaag ka?” matud ni Alynn nga nagkatawa.

“Wa ko masaag, Lynn, ikaw gyud ang akong gianhi kay di ko makatulog sa kaanindot sa imong teks. Unya nasugatan nako ang duha nimo ka kauban dinhi sa balay. Mamista kuno sila, basin duha sila ka adlaw sa Bohol. Niay dala kong pagkaon, mangaon una ta.”

“Mao ra nay imong gianhi, Val, kay nindot akong teks?”

“Dili, uy.”

“Unsa man diay?”?

“Anhi ko matulog unyang gabii,” dayong gakos ni Val ug gihagkan ang naghulat nga mga ngabil sa dalaga. (Katapusan)