Tinagoang kaibog

 Gikataw-an si Artemio sa iyang kauban nga si Bert nga kaganina ra diay’ng nagbantay kaniya nga pwerteng nakatutok niadtong babaye nga gikauban sa hamtong lalaki.

“Nindot kaayo’g nawong kadtong maong babaye bay Bert. Swerteha adtong maong hamtong uy,” nakapanglingo-lingo si Artemio nga naghuna-huna. Milabay ang mga adlaw. Gabii na usab ang duty ni Artemio isip roomboy. May taxi nga misulod sa motel ug mihunong sa iyang atubangan. Nanaug ang mga sakay ug daw natulala si Artemio kay ang babaye nga iyang naibgan ang miabot. Kauban gihapon niini kadtong lalaki nga hamtong apan mora’g nakainom kay nagsumparay. Gidala niya sila didto sa kwarto nga iyang giandam daan. Ang maong kwarto daghan kaayo’g lungag nga kalili-an. “Ikaw usa’y bantay og mga customer bay kay kalingawan usa nako ni diri,” gihunghongan ni Artemio si Tanny nga iyang kaubang roomboy. Milipot si Artemio sa luyo sa kwarto nga tua mahimutang ang mga lungag.

Giswerte gihapon siya kay wala pagnga ang suga. Nakita ni Artemio nga gikupogan dayon sa hamtong lalaki ang gwapa nga babaye. Gihukasan kini sa mga sapot. Apan takulahaw lang napawong ang suga. “Dimalas bay, gipawong man ang suga sa kwarto,” nakapanglingo-lingo si Artemio nga miduol ni Tanny. May misulod nga laing customer sa motel. Si Tanny maoy midala niini sa kwarto.

Nakita ni Artemio nga misinyas kaniya si Tanny. Nagpasabot kini nga siya na usab ang mo-duty pagpaabot og customer kay busohon na usab niya ang bag-o pa nga nanulod.

Nagpaso-paso si Artemio samtang naghuna-huna sa babaye nga iyang naibgan nga giayo g’yud og kumbati sa lalaki nga kauban niini.

 Apan kalit lang nakadungog siya nga may nagsitsit kaniya. Iyang nakita nga miabli og gamay ang pultahan sa kwarto nga gisudlan sa babayeng iyang naibgan. May kamot nga migimaw sa pultahan.

Nangamay kaniya ug wala siya masayop, ang iyang naibgan nga babaye ang nanawag. Giduol ni Artemio ang babaye. “May isugo ka miss?”

Namalihog diay ang babaye nga palimpyohan ang sawog kay wala makaagwanta ang lalaki sa kahubog. Misulod si Artemio nga nagdala og map, dust pan ug silhig.

“Pwerteng tuloga sa imong partner miss no, gipakapoy g’yud tingali nimo,” gikomedyahan niya ang babaye.

“Unsay gipakapoy nga mideritso ra man na og katulog, walay lami,” matud sa babaye nga mitutok kang Artemio. Nagkatinutokay silang duha. (Sumpayan)