Wala'y knowledge

Have a wonderful day. I really need your advice, Tita, at this very moment of time. I don’t know what to do because I’m in a situation nga lisod kaayo i-handle.

By the way, my name is Shine, 21 years of age, nagpuyo ko sa Alcoy Cebu, dalaga ug may boyfriend nga love kaayo nako. Mao kini ang hinungdan sa akong problema karon.

Yes, naa koy boyfriend nga love kaayo nako karon nag-live in ming duha kay nia man ko sa Cebu City karon. Wala gyud knowledge ang akong pinanggang inahan nga nakig-live in nako dinhi sa siyudad. Ang iya lang nahibaw-an nga nag-abang ko og gipuy-an dinhi.

Pinangga og love kaayo nako ang akong mother, Tita. Apan love usab kaayo nako ang akong boyfriend ug dili nako kaya nga biyaan siya. Ania ko sa sitwasyon nga mora og maglisod ko paglihok. Naglisod ko paghunahuna kun unsaon nako kini. Palihog pasabta ko sa angay nakong buhaton. Thank you very much and more power.

* * *

Dear Shine,

Kinahanglan imong ilhon pag-ayo ang pulong “love” aron malikayan nimo ang problema. Ang conflict nga nahitabo sa imong life karon, it is because imong gisagol ang gugma sa imong inahan ug gugma sa imong boyfriend nga managlahi man unta kini sila.

Tinuod ang gugma o love usa ka pagbati o feelings. Ug ato na nga nasayran nga normal ra gyud ang ma inlove, or abnormal na ang tawo nga dili mobati niining pagbatia. Busa kitang tanan ma-inlove gyud tungod kay kitang tanan aduna may heart.

Apan dapat nimong masayran nga lahi ang gugma sa inahan ug lahi ang gugma sa imong boyfriend. Wala’y problema kun mahal nimo ang imong mother kay kasabot siya niana. Ang dapat nimong masabtan nga dili ingon niana ang tinuoray nga mahigugma.

If you really love your mother, dapat dili ingon niana ang imong gibuhat kay mora na hinuon og nag-compete sila kun kinsay imong pilion. Tungod kay ingon man niini ang imong panglantaw naglibog na hinuon kun kinsay imong pilion.

Pilia silang duha, higugmaa silang duha kanang paagi nga gawasnon pa ka. Pauli sa inyo ug itarong pagpahimutang ang imong gugma. Samtang nahigugma ka sa imong boyfriend, ipakita sa imong mama nga gihigugma mo siya pinaagi sa pagbuhat sa husto. Ang tinuod nga gugma (romantic love) makahulat hangtod kanus-a. Busa dili kinahanglan nga makig-live in ka ug imong itago sa imong mother. Ayaw pagdali, pahibaw-a ang imong pinangga nga inahan nga na-inlove ka na ug makasabot siya niini kay aduna usab siya.

Puy-i ang kinabuhi nga gawasnon ug wala kay gitago aron ka magmalipayon.-- Tita Salie