Seaman

Dear Tita Salie,

Have a wonderful day. I am an avid reader of your column ang “Pasabta”. Everyday, before I go to my work, mobasa gyod ko og pasabta because I am hoping nga dunay problema nga susama sa akong gidaladala karon aron usab akong makuhaan og mga idea aron maluag-luagan ang kahuot sa akong dughan.

By the way, just call me Shayne, I have one daughter, but I am not yet married but I am living with the father of my daughter. I really love this man and we are happy sa among family.

But one time nag-internet ko, dunay ni send nako og message. Ako lang siyang gitubayan bisan kun wala ko kaila niya. Pero nagduda gyod ko nganong duna siya’y e-mail address nako. Hangtud nga nagpa-ila siya nako, ug siya diay kadtong ni-call nako during my birthday. Ang ako diay’ng ex-boyfriend nga seaman. Uyab mi sa una for 4 years, Tita, apan past is past sa una ra to. Love kaayo nako ang akong family karon.

Ni-text pa gyod siya nga gusto niyang makigkita kanako. Apan ako siyang giingnan nga what for? Matud niya nga bisan kun duna na koy anak apan ako lang gihapon ang gipitik sa iyang kasingkasing.

Ang nakapait kay nabasahan kini sa akong bana, Tita. Ug sukad niadto magsige na lang mi og away kada away namo iyang ibalikbalk ang maong isyu. Mora og mawad-an nako og gana usahay. Apan naningkamot lang gihapon ko nga mo-work pagbalik ang among relationship, Tita.

Unsa kahay maayong buhaton aron mobalik ang among maayong pagtagad. Palihog pasabta ko. Thank you. -- Shayne

* * *

Hello, Shayne,

Naluoy ko sa imong gidangatan tungod lamang niadtong tawong samokan ug igo lamang naghatag og kahasol sa imong kinabuhi.

Pangitaa ang saktong higayon, Shayne, diin bugnaw ang ulo sa imong bana. Ayaw wad-a ang paglaom nga imo rang ma-patch-up ang nagum-os ninyong relasyon. Pakig-estorya kaniya kanang kamo rang duha. Isulti kaniya ang tanan nimong gibati. Isulti kaniya nga wala na nimo gi-entertain ang maong lalaki kay dili ka gusto nga mabungkag pa ang inyong pagpuyo.

Ipadayon ang imong pag-atiman sa imong mga anak ug sa imong bana inubanan sa pag-ampo nga unta mobalik ang inyong maayong relasyon.

Hangyoa ang imong bana nga kun puyde dili na niya ibalik ang maong isyu kay wala nimo tuyoa ug igo ka lang nabiktima sa samokan ug walay batasan nga tawo. Pailob lang kanunay kay sa hinayhinay imo rang makab-ot ang imong gipangayo. -- Tita Salie