“Wala ko magkomedya Narding, premyohan tika inighuman nimo’g hilot kanako. Kana kun modawat ka og premyo,” ni Camela pa nga ingon sa wala magkomedya.
Gisona ni Narding si Camel. “Unsa? Premyohan ko nimo nga wala ka man gani mokuha og kaugalingon nimong kwarto kay gamay ka ra og kwarta.”
Wala dayon motingog si Camela apan taud-taud. “Kwarta ra diay ang mahimong ipremyo, pwede man og lain nga makapalipay apil sa naghatag.” Ingon sa hinay-hinay nga nakasabot si Narding kun unsay buot ipasabot ni Camela nga premyo sa iyang pagmasahe. Nahuman ni Narding ang pagmasahe ni Camela sa buko-buko, sampot, luyo nga bahin sa paa, bitiis ug lapa-lapa. “Hayang palihug Camel kay ang atubangan nga bahin sa imong paa na usab ang atong masahean,” ni Narding pa.
Wala maglangan si Camela, mihayang kini. Daw nasud-ipan si Narding sa iyang nakita ilabi na kadtong nagbugdo sa atubangan sa dalaga. Gipasiplatan niya kini matag karon ug unya samtang gimasahean niya ang atubangan nga bahin sa paa ni Camela.
Pwerte na g’yud nga paglumpayat ni manoy. Gilingi ni Narding si Camela ug naabtan g’yud niya nga nagpahiyom ang dalaga nga nagtan-aw kaniya. “Human na nako’g masahe ang atubangan sa imong paa ug bitiis Camel, gusto ka ba nga masahean ang ibabaw sa imong dughan?”
“Sigi palihug ko Narding,” paraygon kaayo ang tingog ni Camela. “Oki na Camel, human na tika’g masahe ug sigurado ko nga gaan na karon ang imong pamati. Unsa may imong ipremyo bi?” naningil na si Narding sa gisaad ni Camela.
Mipahiyom ra si Camela nga nagtan-aw ni Narding. “Bahala ka na. Dali na diri na lang katulog uban nako sa kotson kay malooy na ko nimo nga mobalik paghigda sa sawog.”
Karon nahingpit na g’yud sa huna-huna ni Narding nga ang pagtugyan ni Camela sa iyang kaugalingon kaniya maoy iyang premyo sa pagmasahe niya sa dalaga. Wala siya maglangan, mitupad siya paghigda ni Camela sa kotson nga higdaanan.
Wala na makaantos si Narding. Giparaygan niya pagsugod si Camela nga bukas kaayo nga mipatara sa iyang lawas. Dayon nahilom ang tibuok lawak human nga gipawong ni Narding ang suga. Wala sila’y kinatulgan hangtod nga nabuntag na lang. (Taposon ugma)