Mata sa kasingkasing

Samtang nagdagan ang motorsiklo nga gimaneho ni Christopher, nakigsulti usab ang lalaki kang Angeline.

“Kumosta ka na man?” Pangutana ni Christopher.

“Maayo man,” mubong tubag ni Angeline.

Namatikdan ni Angeline nga wala na gyud siya’y diyotay nga pagbati alang kang Christopher. Gipakitaan niya kini’g maayo nga pagtagad isip usa ka higala.

“Kumosta ang imong lovelife?” Laing pangutana ni Christopher.

“Wa koy lovelife ron,” daling tubag ni Angeline.

“Imposible.”

“Mao nay tinuod. Mi-concentrate ko sa pag-eskuyla.”

Wala mosumpay si Christopher sa gisulti ni Angeline. Kalit lang kining giyatakan ang preno sa motorsiklo ug gisirbatohan ang iro nga kalit lang milabang sa dalan.

“Kumosta na man mo ni Irene?” Nakapangutana si Angeline.

“Wa na si Irene,” tubag ni Christopher.

“U-unsay wa na?”

“Wa na lagi. Bag-ohay lang siyang nagpakasal sa usa ka seaman.”

“Mao ba!” -- Sumpayan pa