Sarah ang actress

Daghang katawhan ang mituo nga si Sarah maoy labing maayo ug labing maanyag nga artista sa tibuok teatro. Daghang tawo ang nakauyon sa iyang pag-arte kay puno kini sa drama ug lakip niini ang iyang kinabuhi.

Natawo siya dinhi sa Sugbo, apan wala siya makaila sa iyang amahan. Ang iyang inahan kay mahilig sa pagsuroy sa bisan asang lugar ug wala man lang maggahin og panahon alang kaniya.

Dili malipayon ang iyang kinabuhi sa iyang pagdako mubo ra ang iyang pasensya ug dili gayod mosunod sa mga patakaran.

Si Sarah usa ka matinumanon nga pagkatawo. Gipaeskwela siya sa eskwelahang katoliko aron madisiplina ug mahimong edukada. Gisuwayan niya ang mamahimong madre apan wala gayud kini mahitabo. Mibiya siya sa kombento ug mieskwela sa usa ka acting school.

Dinhi nagsugod ang iyang bag-ong kinabuhi. Nahimo siyang inila ug respetadong artista. Nagsugod na ang iyang mahayag nga pangandoy diin midala siya sa dulang giulohan og “Ang Mga Manlalabay” nga gipasundayag sulod sa 100 ka mga adlaw.

Sa iyang pagka-artista gibuhat niya ang tanan ug dili gayod mopahulay. Gitambagan man siya sa mga doctor nga maggahin og panahon para sa iyang pagpahulay kay basin maoy mamahimong dalan sa hinanaling kamatayon apan wala gayud niya kini buhata tungod kay ang oras, alang kaniya usa ka bililhon nga butang.

Si Sarah ang labing unang artista nga nagpasulod sa usa ka lungon. Paborito niya ang paglakaw nga mag-inusara sa usa ka sementeryo. Pirmi gayud niyang karga ang paboritong lungon ug itupad sa iyang pagkatulog aron maoy una niyang makita sa iyang pagmata. Sa ubang mga adlaw ang maong lungon maoy iyang himoong higdaanan.

Si Sarah maanyag apan isog nga klase nga pagkababaye. Halos natuyok na niya ang tibuok kalibutan. Miabot ang panahon nga siya nahimong masakiton ug dili na makalakaw, apan walay makapugong sa iyang gusto ug damgo.

Nagpadayon gihapon siya sa pag-arte bisan naglubog na lamang sa iyang higdaanan. Una siya namatay gibilin niya kining maong pulong “film me in bed.”

Gibuhat gayod kini sa mga tawong duol sa iyang kinabuhi. Gihimuan og istorya ang iyang kamatayon, una mitiklop ang iyang mga mata. Gilubong siya uban sa lungon nga iyang karga-karga. (Katapusan)