Gula 6
Human nila og mid-night snack ni Ronald ug Jenny, nag-iya-iya sila’g sulod sa kwarto. Sa bakanteng kwarto sa silong gipahigda si Ronald.
Pagka-ugma sayo nga migikan paingon sa siyudad ang mga ginikanan ni Jenny. Pagmata ni Jenny diha na si Ronald sa sala sa silong. “Good morning my love,” ni Ronald pa ngadto kang Jenny.
Igo ra nga mipahiyom si Jenny ug milingkod kini atbang ni Ronald. Gitemplahan si Jenny og coffee ni Manang Celing. “Pagkaon ra unya mo diha day Jen, anaay sinukad nga gitabonan sa lamesa kay manglaba usa ko,” sa katabang pa.
“Tana adto ta sa balkon sa taas kay maayo didto makita nimo ang dagat,” ni Jenny pa dihang nahuman na sila’g painit. Tuod nindot g’yud kaayo ang view kay makita nila ang dagat ug ang mga gagmay’ng isla gikan sa balkon.
Gikan sa balkon, makita nila ang isla sa Lipayran ug Doong. “Susama na man ko sa nangagad nimo Jen niining akong pag-estar dinhi sa inyo. Apan dili na tingali ko magdugay dinhi kun dili nimo dawaton ang akong gugma,” ni Ronald pa.
“Hala kalain og batasan sa akong bisita,” nakapahiyom si Jenny pagkadungog sa gisulti ni Ronald. “Dili usab maayo nga sugton tika dayon nga mao pa gani ang pagpanguyab nimo nako,” gitutokan ni Jenny si Ronald.
Daw misanag ang panagway ni Ronald. “Sa ato pa, sugton diay ko nimo Jen!” Sa kalipay ni Ronald iyang nagakus si Jenny. Gipasagdan ra usab ni Jenny si Ronald nga migakus kaniya.
“I love you Jenny,” gipatikan dayon ni Ronald sa unang kiss si Jenny. Ang kalumoy sa lawas ni Jenny nga nagakus ni Ronald maoy nakapatuskig paghinay-hinay ni manoy.
Gisubli-subli ni Ronald ang paghawok ni Jenny. “Makit-an gani ta ni Manang Celing,” matud ni Jenny. Apan gilantaw ni Ronald si Manang Celing nga didto ra sa puso-artesyano kilid sa balay nagpadayon sa paglaba.
Walay pupanagana si Ronald nga mipakaligo og mga hawok ni Jenny kay nasayud siya nga sila ra ang tawo sa balay atul sa maong higayon. Mituskig na g’yud og maayo si manoy sa padayon niyang romansa kang Jenny.
Si Jenny wala na makapugong sa iyang gibati ug misukol na og hinagkanay ni Ronald. “I love you Ronald.” Nakita ni Ronald nga gipiyong ni Jenny ang iyang mga mata samtang padayon sila nga nagparayganay.
Nanginit na pag-ayo ang ilang kalawasan tungod sa dili matukib nga kahinam ilabi na nga nagpilit na ang ilang masi’g ka lawas. (Taposon ugma)