Mata sa Kasingkasing

Gula 22

 “Dili ka makalimod nako, Angeline,” nagkanayon si Erik. “Nausab ka na karon. Molikay ka na sa higayon nga moduol ko nimo. Bisan unsa lang ang imong alibi.”

Wala makatingog si Angeline. Ingon sa naapiki ang iyang pangatarongan sa gisulti ni Erik.

“Unsa ba gyu’y hinungdan nga gusto ko nimong likayan, Angeline?” Nangutana na usab si Erik. “Nakahimo ba ko’g sala nimo?”

“Wa ka makasala nako, Erik,” mubong tubag ni Angeline.

“Pwes, nganong gusto man ko nimong likayan?”

“Dili sa ingon niana. Kuan...gusto lang kong mo-concentrate sa akong pagtuon.

“Sagabal ba diay sa imong pagtuon ang atong panaghigala?”

“Dili man gani. Pero lahi ang imong estado kay sa akoa. Nagtungha ka nga suportado sa imong mga ginikanan. Samtang ako nakatunob lang niining eskuylahana isip usa ka scholar.”

Nahitutok si Erik kaniya.

“Gusto lang kong malipay ang Uriel Vallecera Foundation, Inc. nga maoy mi-sponsor sa akong pagtuon,” mipasabot si Angeline. -- Sumpayan pa