Gasaludo pirmi's Manoy!

Ang pagparayganay maoy gihimong pamahaw nila ni Mikmik ug sa iyang asawa nga si Grace.

Milungtad g’yud og dul-an sa oras nga si Mikmik walay hunong sa iyang sagunson nga paglihok, usahay paspas kaayo ang iyang lihok sa pagpaninguha nga mahuman na ang kumbati.

Kapoy na kaayo si Mikmik ug gani gusto na siya nga mohural apan mauwaw siya ni Grace. Wala usa’y reklamo si Grace nga dugay’ng nahuman ang ilang kumbati sanglit siya ang nakabentaha.

Daw nakalimot na gud si Grace nga wala pa diay sila maka-breakfast kay mihari na kaniya ang grabeng kahinam. Gidunghayan na sila sa daghang singot apan wala pay timailhan alang ni Mikmik nga nagsingabot na ang finish line.

 Diha sa huna-huna ni Mikmik nga tingali mao na kini ang resulta sa giinom niya nga tambal nga gihatag kaniya sa amigo niyang si Steve. “Grabeha uy, mora na ko’g mamatay sa kahigmawos, sigi na Mik,” ni Grace pa.

“Wala pa g’yud, kapoy na gani kaayo ko,” matud ni Mikmik nga nagkahinay na ang mga lihok tungod sa kakapoy. Nag-abot ang iyang gininhawa nga mora’g tinuod g’yud nga nagtungas siya sa bakilid.

Takulahaw lang nga mihunong si Mikmik ug napaligid kilid ni Grace. Giatake si Mikmik sa kasing-kasing tungod sa subra ra nga kakapoy. Nagpaninggit si Grace og pakitabang.

Taud-taud nakadungog siya og mga tuktok sa pultahan sa ilang balay. Migawas pagdali si Grace apan nahinumdom siya nga wala diay siya’y sinena. Dali nga gisul-ob ni Grace ang iyang sinena.

Apan wala usa’y sapot si Mikmik! Iya kining gisul-oban sa iyang brief ug gitabonan ang hawakan sa tualya. Midagan si Grace paingon sa pultahan ug nakita niya si Steve ug pipila ka silingan.

“Unsay nahitabo mare Grace?” nangutana si Steve sa iyang kumare. “Si Mikmik mora man og giatake sa iyang sakit sa kasing-kasing. Tua sa kwarto,” ni Grace pa.

Gihimulsohan si Mikmik sa edaran nila nga silingang babaye. “Patay na man ni si Mikmik day.” Daw dili makatoo si Grace sa iyang nadungog. Natulala si Steve nga namatay ang iyang higala tungod sa subra nga kalipay.

“Ikaw man gud pre, gihatagan mo man si Mikmik adtong tambal,” may sagol pagbasol ang tono sa sinultihan ni Grace sa iyang kumpare. Gilubong si Mikmik sa menteryo sa Caretta kaniadtong Sabado.

Ang leksyon niining maong kaagi. Ayaw paggamit og susama nga tambal kun may sakit ka’s kasing-kasing. (Kataposan)