Gasaludo pirmi's Manoy!

Gula 6

Matagbawon kaayo ang kumbati nila ni Mikmik ug Grace ibabaw sa ilang lantay’ng higdaanan. “Nahibulong g’yud kaayo ko nimo karon Mik kay kaniadto dali ka ra kaayo mahuman, pero karon tagbaw na g’yud ko kaayo,” matud ni Grace human sa ilang kumbati.

“Pirmi na g’yud ni Love, promise,” nagngisi si Mikmik nga mihimo’g pasalig sa iyang asawa. Nangatulog sila nga wala g’yuy nakabalda hangtud pagka buntag tungod sa grabeng kakapoy sa lawas.

Alas siete na nga nakamata si Mikmik ug giandaman dayon siya’g kape sa iyang asawa. Nalantawan ni Mikmik nga si Steve naglingkud sa sementado nga lingkoranan sa basketbolan sa ilang lugar.

Gibitbit ni Mikmik ang tasa nga gitimplahan sa kape ug mihinay paglakaw paingon sa iyang higala. “Maayong buntag bay Steve.”

Nagngisi si Steve nga mitan-aw niya nga milingkud tupad sa iyang gilingkoran. “Unya, unsa’y balita gabii,” maikagon nga nagpakisusi si Steve sa iyang higala.

“Grabe kaayo bay Steve. Nakaduha g’yud ko ug sa ikaduha naproblema ko kun unsaon sa paghuman kay pwerte kakusgan ni Manoy nga mora’g dili na gusto nga moundang,” walay kukauwaw nga misaysay si Mikmik sa iyang higala.

Walay hunong si Steve nga nagpahiyom ngadto sa iyang higala. Nakita nila nga miduol kanila ang asawa ni Mikmik nga si Grace. “Mora man og nagbakang-bakang ka Mare Grace, unsa bay nahitabo?” nangomedya si Steve.

“Ay, kini man gud si Mikmik pre uy, nausab man human sa inyong inom-inom. Grabeng taasa og lahutay! He! He!” may sagol-komedya ang tubag ni Grace sa iyang kumpare.

“Bay Steve, biyaan ko usa mo si Mare nimo ha kay patuktokon usa nako ang akong hiniktan, balik dayon ko bay,” ni Mikmik pa nga mibiya dayon nga nagbitbit sa tasa nga wala nay kape.

Nakahukom si Steve nga komedyahan si Mare niya. “Tagbaw g’yud diay kaayo ka gabii mare?”

“Subra pa sa tagbaw pre, mora ko’g mabuang kay pwerteng dugaya nga gihuman ni Mikmik ang among kumbati,” ni Grace pa. Nagpahiyom si Steve nga nagtan-aw sa iyang kumare.

“Tabang nako kadto ni bay Mikmik mare para ma-enjoy mo,” ni Steve pa. “Ngano diay to pre? Unsay gipakaon nimo sa akong bana,” nagpakisi nga nagpakisayud si Grace.

“May gipainom ra ko niya mare, vitamins,” ni Steve pa. “Kun mao na pre, kun diha to gikan nimo, mas grabe ka pa diay modala’g kumbati?” daw naikag na g’yud pag-ayo si Grace nga nagsukit-sukit. (Sumpayan)