Mata sa Kasingkasing

Gula 11

Ang pasalig ni Walter Toews nga pa-eskuylahon siya sa college mao ray iyang gilaoman nga makabaton og katumanan ang iyang mga pangandoy. Tungod sa daotang kapalaran, nahunlak ang tanan.

Nanglabay ang mga adlaw. Usa ka higayon niana misuroy si Angeline sa merkado sa lungsod sa Danao. Atol kadto nga tabo sa merkado sa lungsod. Dihay nanghatag og pamphlets. Usa siya sa nakadawat niini. Iya kining gibasa. Bahin diay kini sa scholarship nga gitanyag sa Uriel Vallecera Foundation, Inc.

Nakabaton og interes si Angeline sa maong scholarship grant. Gihikay dayon niya ang mga requirements nga gikinahanglan sa UVFI. Unya miadto siya sa buhatan niini sa Tagbilaran aron mo-aplay og scholarship.

Paglabay sa kapin usa ka bulan. Labihang lipaya ni Angeline kay nakadawat siya og notisya nga na-approved ang iyang aplikasyon alang sa scholarship. Nagpa-enroll gilayon siya sa Holy Name University segun sa instruction sa kadagkoan sa UVFI.

Miabot ang tingbukas sa klase. Unang adlaw ni Angeline sa kolehiyo maoy una niyang gikaila si Erik. Ambongan si Erik. -- Sumpayan pa