Gasaludo pirmi's Manoy!

Aron pagwagtang sa kakapoy gikan nga miuban sa hataas kaayong rota sa solemn procession ni Sto. Niño, nagpundok ug nagkalingaw og inom-inom ang managhigala nga sila si Mikmik, Caloy, Albert ug Steve. Sa ilang upat, si Mikmik ra ang wala mouban sa procession. Sagad g’yud nga magtampo-tampo sila og mga estorya aron paglingaw sa grupo atul nga sila magkatagbo.

Dili g’yud mosipyat nga sa ngadto-ngadto, ang topic sa ilang panagsultihanay mao g’yud ang mga babaye. Una nga mikomentaryo si Caloy nga dili unta angay nga paubanon sa prosesyon ang magsul-ob og short pants nga mga babaye.

“Lisud kaayo na ipatuman ang imong sugyot bay Caloy,” mitubag si Mikmik. Nagpakahilom lang si Steve nga naminaw sa pagbayloay’g huna-huna sa iyang mga higala.

Sa pag-uban gud nila sa procession niadtong Sabado sa hapon, daghang mga puti ug hamis kaayong mga paa ang ilang gitagbaw sa pagtan-aw.

Samtang hinay ang ilang paglakaw sa procession, didto ipunting nila ni Caloy, Steve ug Albert ang ilang mga mata sa paa sa babayeng ilang gisunod.

“Ah ako bay, dili pa ko mangita’g laing paa, puti kaayo ang paa sa akong batan-ong asawa uy,” nanghambog si Mikmik. Igo lang nangatawa ang tulo niya ka higala.

Gwapa g’yud tinuod kaayo ang asawa ni Mikmik, manghud niya kini og lima ka tuig ug tingali nag-edad pa kini og 19. “Apan makalahutay ka og kapin sa duha ka oras nga kumbati uban sa usa ka babaye bay Mikmik nga wala g’yuy hunong-hunong?” gisukna ni Steve si Mikmik.

Nakapahiyom si Mikmik ug nakapanglingo-lingo. “Grabeha ‘sab kadugay anang duha ka oras nga walay hunong-hunong uy, mapawot man ‘sab ang atoa ana.”

May gikuot si Steve sa iyang bulsa ug gipakita kini ngadto sa iyang mga higala. Napasiga ang mga mata sa tulo ka higala ni Steve pagkakita sa gamay’ng hulagway sa babaye ug lalaki nga nagparayganay. Ang gamay’ng plastik nga pakete dunay marka nga mora’g Ininsik o Koreano, dili nila masabtan kun unsay gipasabot. Apan duna ‘say gamay’ng kabahin nga ang pagkasuwat gihimo sa ininglis.

“Strength will last until 180 hours.” Misamot nga nagkinataw-anay ang maghigala. Dili sila makatoo kay ang 180 hours katumbas sa usa ka semana nga kanunay ra nga nagsaludo si Manoy!

“Maayo nimo ni bay Mikmik kay batan-on pa man kaha ang imong asawa,” gitunol ni Steve ang maong pakete. (Sumpayan)