Gula 9
“Ayaw kahadlok, Miss,” matud pa usab sa kauban niini. Dili mi mga daotang tawo. May ipangutana lang mi nimo.”
“Mikalma si Angeline.
“Mga barangay tanod mi, Miss,” mipaila ang usa sa duha ka lalaki. “Nag-unsa ka man dinhi niarong orasa sa kagabhion?”
Gisuginlan ni Angeline ang duha ka barangay tanod sa nahitabo kaniya.
Mas maayong ipa-blotter mo kining hitaboa, Miss,” nagkanayon ang usa ka tanod.
“Ayaw na lang,” tubag ni Angeline. “Gusto ko nga makapauli nako sa amoa.”
“Pero wa pay mga sakyanan nga mobiyahe niarong orasa, Miss,” matud sa tanod. “Aw, yuna, taga diin ka ba?”
“Taga Danao,” laktod nga tubag ni Angeline.
Nagsabot sa makadiyot ang duha ka tanod. Unya...
“Mosugot ka ba nga pasakyon ka lang namo og motorsiklo?” Gipangutana si Angeline sa tanod. “Kami mismo ang mohatod nimo.”
Sa wala’y bisan unsang reserbasyon sa hunahuna, misanong si Angeline sa sugyot sa duha ka tanod. -- Sumpayan pa