Mata sa Kasingkasing

Gula 7

Gisum-ok nila ang mga dapit nga layo na sa buhilaman nga nahisakop sa mga lungsod sa San Miguel, Sierra Bullones, Dagohoy, Sagbayan, Catigbian, Batuan, Bilar ug Sevilla.

Paglabay sa kapin usa ka bulan, nakamatikod si Angeline nga ingon sa gisugdan na siya’g dani ni Walter Toews aron magpasakop sa ilang relihiyon nga Mennonite. Dinhi mora’g nawad-an og gana si Angeline sa pag-alagad sa magtiayong misyonaryo. Dili man gud siya makabiya sa poder sa magtiayong Toews. Mangita lang siya og tukmang tayming. Maikog man gud siyang mananghid kun wala’y balidong rason sa pagbiya sanglit buotan man ang magtiayon ngadto kaniya.

Milabay ang pipila ka adlaw, usa ka gabii niana sayong nakatulog si Angeline. Hapo man gud siya niadtong adlawa kay didto sila sa Panglao nangaligo sa dagat ug layo ang ilang biyahe gikan didto paingon sa Carmen.

Samtang nahinanok si Angeline may tawo nga nakasulod sa iyang lawak - katulganan. Mao na lamay iyang namatngonan nga migakos kini kaniya. Napugwat si Angeline. -- Sumpayan pa