Pinaskohan

Gula 4

Bisan og wala motubag si Lovely dihang giingnan ni Romeo nga “I Love You,” apan migakus kini sa ulitawo.

Dili matukib ang kalipay ni Romeo ug wala siya makapugong sa iyang kaugalingon nga mipatik sa una niyang hawok ngadto sa mga ngabil ni Lovely.

“Kadali ra g’yud sa panahon sa atong panagkita Rom no unya karon miabot na kita niining maong sitwasyon,” matud ni Lovely nga misandig na sa dughan ni Romeo.

Wala tuyoa ni Romeo nga mibarug ang iyang Junior nga nabag-id sa sampot ni Lovely. Milakaw sila paghinay paingon sa labong nga mga tanom daplin sa pasimano nga semento.

Didto sa ilang nahimutangan dili na kaayo sila direkta nga makita sa laing paresan nga nag-deyt usab sa unahan nga bahin, ingon man sa mga kawani nga nagbantay sa canteen.

Nagparayganay na g’yud sila pag-ayo didto sa ilang dapit nga gibalhinan. Pagkalalim sa gibati ni Romeo nga naangkon na niya ang gugma sa gwapa nga tindera nga nakaila lang niya kaniadtong miaging adlaw.

“Wala ka ba’y laing boyfriend Love?” gisukna ni Romeo si Lovely. “Wala na, kapin na sa tuig kay human mi nagkabuwag wala na ko modawat og boyfriend. Ikaw pa,” mipahiyom si Lovely.

Wala mangutana si Lovely ni Romeo kun duna ba usab kini hinigugma.

Gipadayon nila ang pagparayganay. “Kanindot sa akong pinaskohan karong paskoha uy, kay nahimo ko man ikaw nga girlfriend,” matud ni Romeo.

Sa nagpadayon nila nga pagparayganay, anam-anam nga gihapohap ni Romeo ang kalawasan sa dalaga. Nabantayan ni Romeo nga daw mihiwid ang lawas ni Lovely.

Ingon sa gigilokan si Lovely sa iyang gihimo apan wala usab mobadlong kaniya. Gipadayon ni Romeo ang paghapuhap sa kalawasan ni Lovely. Nakabantay si Romeo nga miagresibo si Lovely sa ilang pagparayganay.

Hangtud nga daw giganoy na silang duha sa grabeng kalalim sa ilang mga pagbati.

“Lovely, Lovely,” nakatuaw si Romeo samtang hugot niya nga gigakus ang dalaga. Mibarug na’g maayo si Junior tungod sa nagkainit nila nga pagparayganay.

Giparaygan pag-ayo ni Romeo si Lovely. “Love, mosugot ka ba nga mamalhin ta og laing lugar kanang makalugar g’yud tang duha sa pagparayganay?” gisukna ni Romeo ang dalaga.

“Asa man ta? Tana,” ni Lovely pa nga daw wala’y pagsupak. Nanglakaw sila paingon sa giparkingan sa motorsiklo ni Romeo. (Sumpayan)