Maunongon Ang Gugma - Gula 103

“Tungod kay dili ko gustong molaom ka sa wala,” pasabot sa ulitawo. “Walay kaseguroan ang akong kinabuhi kaniadto tungod kay gipangita man ako sa balaod. Dili ko gustong maguba ang imong kaugmaon tungod nako. Apan karon nga nalimpiyohan ko na ang akong ngalan, gusto kong maghimo kita’g usa ka pamilya.”

“Gipakaingon ko’g si Gemma gihapon ang anaa sa imong kasingkasing.”

“Let the dead bury their dead, ni Kristo pa. Ako nga ania pa sa kalibotan sa mga buhi magpadayon uban sa pagpanikaysikay uban kanimo. I-ampo ko na lang ang malinawong pagpahuway sa kalag ni Gemma.”

Wala motingog si Danica.

“Nasayod kong dili ako magmahay sa akong desisyon nga makigminyo nimo,” ni Jeffrey pa, “tungod kay nakaseguro kong maunongon ang imong gugma, sa kaharuhay man ug sa kalisod.”

Wala motingog si Danica. Migakos siya kang Jeffrey. -- Kataposan