Maunongon Ang Gugma

Gula 93

“Gikasubo ko, Sir,” giprangkahan niya ang Koronel. “Mosurender lang ko kun mapatay ko na si Brandon Mercado.”

Ug gitapos na niya ang ilang panagsulti sa cellphone. Gilikayan niya nga magkalalis sila si Col. Noot tungod lang sa surrender issue.

Miunlan si Danica sa bukton ni Jeffrey samtang naghigda sila sulod sa payag. Bag-ohay lang silang nahuman sa pagtagay sa lawasnong kalipay ug nahitabo kini sa adlaw’ng dako. Hinuon, wala sila mabalaka nga may makakita kanila tungod kay hilit kaayo ang dapit nga nahimutangan sa ilang payag.

Gibati niya ang tumang kalipay sa ilang gibuhat. Karon lang niya mabatyagi ang ingon nga kalipay sa iyang kinabuhi. Ug wala siya magdahom nga she was a very sensual woman.

Ang nahitabo tali kanila ni Jeffrey usa ka bag-ong kasinatian alang kang Danica. Alang kaniya, it was not just sex. It was love. Karon lang niya namatud-an nga na-in love siya kang Jeffrey sulod sa pipila ka adlaw na nilang panag-uban sa pagtago-tago sa kabukiran.

Oo, nahigugma na siya kang Jeffrey. Head over heels nga na inlove siya niini. Gitugyan niya ang iyang kaugalingon ngadto niini sa wala’y diyotay’ng reserbasyon sa pagduhaduha. Andam siyang mounong niini bisan unsay mahitabo. -- Sumpayan pa