Hulog sa langit

Gula 4

Human sa ilang pagpangaon, daw pareho silang duha nga natuk-an kay mihari kanila ang kahilom. Gitutokan ni Rey si Jane nga usahay moduko kay dili makaharung pagtutok sa reporter.

“Tinuod ba kadtong imong giingon ganina nga ako ra’y bahala kun asa ta karon?” gisukna ni Rey si Jane. Mipahiyom si Jane ug mitutok kang Rey. “Unsay tan-aw nimo nako nagkomedya diay?”

Nasabot ni Rey nga tininuod g’yud ang giingon ni Jane. Naghuna-huna si Rey kun asa niya dad-a si Jane niining hapona aron pagbawi sa iyang pagpalta sa trabaho.

“Tana Jane, basta ha ako’y imong pagbut-an kun asa ta moadto?” giingnan ni Rey si Jane nga giagbayan dayon niya paingon sa giparkingan niya sa motorsiklo.

Human makasakay si Jane sa motorsiklo, gipadagan dayon ni Rey ang motor. Gisubay ra niya ang karsada ug pag-abot nila sa unahan nabantang na sa panan-aw ni Rey ang karatola – Kingsland.

“Anha lang ta diha Jane kay aron duol. Naghinam-hinam na ko sa sunod nga mga panghitabo,” ni Rey pa nga milingi-lingi pag-abot sa eskena General Maxilom. Mideritso pagsulod ang motor nga ilang gisakyan sa motel.

Gisugat sila sa roomboy nga misinyas dayon nga pasudlon sila niadtong bakante nga grahe sa unahan. Gi-park ni Rey ang motor sa sulod ug gitak-opan dayon sa roomboy ang pultahan sa grahe.

“Abli na kanang daan sir ug bugnaw na ang kwarto,” giingnan si Rey sa roomboy. Walay tingog-tingog si Jane nga misunod ni Rey ngadto sa kwarto.

“Pastilan, wala g’yud ko magdahum nga ingon niini ang mahitabo karon kanato Jane,” matud ni Rey nga mihakup dayon sa hawak ni Jane. Sa unang higayon gipatikan ni Rey og hawok ang dalaga.

Wala magduha-duha si Jane nga nakig-ukobay sa ilang mga ngabil kang Rey. Dali ra kaayong nanginit ang ilang kalawasan.

Samtang giromansa ni Rey si Jane apan ang iyang huna-huna wala tuyoa nga mihandom dihang nakita niya si Jane nga misulod sa newsroom samtang gimiting silang mga reporters ni manager Cerge.

Nabantayan ni Rey nga ang iyang tuo nga kamot kilas na kaayo nga nagpanghiram sa kalawasan ni Jane. Inanay’ng gipahigda ni Rey si Jane ngadto sa mahunol-hunol nga higdaanan.

Gipadayon niya ang pagromansa ni Jane. “Hukason na nako ang imong mga sapot ha?” maguwang lang sa hagawhaw ang tingog ni Rey. Namatikdan ni Rey nga pwerteng isoga na ni Junior nga daw nagpanikad na alang sa kumbati. (Sumpayan)