Sugar Daddy

Nakahuman g’yud og duha ka hugna sa pagparayganay sila si Sylvia ug Fermin sulod sa kwarto sa dakung hotel nga ilang gisudlan.

Gihapuhap ni Fermin ang dughan ni Sylvia. “Hilig ka ba diay og cybersex Sylv?” gipangutana ni Fermin ang dalaga nga kaganina ra nga nagpakahilom. “Dili uy, sa imo ra g’yud ambot nganong nadala ko nimo,” dali niya nga tubag.

“Aw hinuon nabantayan man nako nga buotan ka Sylv. Ikaw, wala ka ba’y ipangutana kanako?” ni Fermin pa.

“Kuan, mangutana lang ko nimo kun ang imong asawa nasayud ba nga maghimo ka’g cybersex. Wala ka ba niya masakpi?” nag-ukon-ukon si Sylvia paghimo sa maong pangutana.

Mipahiyom si Fermin ug wala dayon motubag apan taud-taud, “Wala ko’y asawa Sylvia… wala pa ko’y kabilinggan kay sukad nga nagkabuwag kami ug ang akong girlfriend mga lima ka tuig na, wala na ko’y gana nga magminyo.”

“Mao ba,” mubo nga tubag sa dalaga. “Ikaw Sylv, pila kabuok ang imong hinigugma?” si Sylvia na usab ang gipangutana ni Fermin. Wala g’yud dayon motubag si Sylvia sa pangutana.

“Karon? Wala na ko’y boyfriend kay dihang nagkabuwag mi, wala na ko mangita’g lain mao nga nagkalingaw na lang ko sa on-line friends ug nagka-amigo tang duha,” matud ni Sylvia.

Gitutokan ni Fermin si Sylvia ug gihapohap ang iyang aping. Nakabantay si Fermin nga may luha nga midaligdig sa aping ni Sylvia samtang naghandom sa iyang kaagi.

“Ayaw paghilak Sylv. Ingon g’yud niana ang kinabuhi, usahay ikaw anaa sa itaas, ug usahay anaa sa ubos. Huwata nga mobalik ka nga anaa na usab sa itaas,” ni Fermin pa nga miam-am sa dalaga.

Gihagkan ni Fermin si Sylvia samtang nagdikit na usab ang mga hubo nilang kalawasan. Nakasugnib na usab kini’g kainit sa tagsa-tagsa nila ka kaugalingon hangtud nga nahitabo na usab ang ikatulong hugna sa kumbati sa kama.

“Tana, ihatud ko ikaw sa imong gipuy-an Sylv,” giingnan ni Fermin si Sylvia dihang mihana na siya pagbangon. Misunod usab pagbangon si Sylvia.

Sa sakyanan. “Nalipay kaayo ko sa atong panag-uban Sylv. Pwede mohangyo ko nimo?” ni Fermin pa. “Unsa kana?” dali nga tubag sa dalaga.

“Hunongon na nato ang paghimo og cybersex. Ayaw na g’yud anang maong binuang ha? Gusto ko nga magtarung na ta,” giingnan ni Fermin si Sylvia nga daw dili makatoo sa iyang nadungog.

Nagbayloay sila’g contact numbers. Gitunolan ni Fermin si Sylvia og usa ka gamay’ng brown nga sobre. (Sumpayan)