Sagradonga baka

Kining mga baka naila sa nasud nga India isip usa ka balaan ug sagrado nga mananap. Bisan sa ilang ka kabus, wala’y bisan usa kanila ang nagpanamastamas ug naghimo’g kadaut o dili maayong binuhatan ngadto sa mga baka.

Alang kanila ang baka simbolo sa pagka-pertilisado ug pagka-inahan. Ila gayud nga gimahal ug gitahod. Hasta pa gani ang ilang balaod nagprotektar gayud sa maong mananap.

Sa panahon nga adunay sakit ang ilang baka, mag-ampo gayud ang mga tawo alang sa maayong panglawas niini.

Apan ang dili Hindu nihimo kini sa pagpatay o pag-ihaw sa mga baka. Apan niadtong tungora adunay kakulang sa mga sagbot kansang kanunay nga kaunon sa mga baka.

Sa dihang nitumaw ang relihiyong Budismo niadtong ika-lima ka siglo sa wala pa natawo si Jesus, nisuporta kini sila sa maong tinuhoan nga ang baka dili angay patyon. Kusganon silang nipaluyo nga dili angay patyon ang baka.

Human sa pakigbisog alang sa relihiyosong dominasyon sa India, nagmalamposon gayud sila. Niadtong ika-upat ka siglo human natawo si Ginoong Jesus ilang gideklarar nga “ang mga baka sagrado.”

Busa angay lang gayud nga tahuron ug mahalon ang maong mananap tungod kay daghan kini og ikatabang sa inadlaw nato nga panginabuhi. Bisan tuod wala kini sila’y hustong hunahuna sama kanatong mga tawo, hatagan sila nato og hustong pag-amuma aron sila makabaton og maayong kinabuhi. (Emmanuel B. Villaruel/Kinutlo sa “Did you know?” BN, Okt. 1,1996)