Ang sinugdanan anaa sa kataposan
Gula 97
“Nga-ngano man diay?” Usisa ni Cody.
Gisuginlan ni Colleen si Cody sa nahitabo sa iyang maguwang nga igo lang gipaangkan ni Jack.
“Gikasubo ko ang nahitabo kaniya,” ni Cody pa.
“Ang tinuod,” tug-an ni Colleen, “dugay na kong nahigugma nimo. Nagduhaduha lang ko kun tinud-anay ba gyud ang imong pagpangulitawo nako. Nahadlok ko nga tingalig buot ka lang manimalos sa gibuhat ni ate Alexa nimo.”
“Dili kana mahitabo Colleen. Tinud-anay ning ako. I love you and I want you to be my partner...for life.
“I love you, too, Cody.”
“Tingalig napugos ka lang tungod kay giisip mo kining bayad sa gibuhat ni Alexa kanako?”
“Dili, Cody. Sugo kini sa akong kasingkasing.”
“Salamat nga naangkon ra gyud nako ang imong gugma. Gipakaingon ko’g demalas gyud kong pagkatawo sa natad sa gugma.”
“Nganong nakasulti ka man niana?”
“Because loving you is not easy. It takes a man’s endurance to love you and win your heart.”
Nakapahiyom si Colleen sa iyang nabati.
“Nahinumdom ka ni Yana?” Gikan ni Colleen.
“Y-Yana?” Naghunahuna si Cody. “Yes, si Yana. Ngano man diay?”
“Kaslonon na sila si Jarren. Gidapit man gani ko.”
“Mao ba? Aw, hain may maayo kun ato silang unhan? -- Sumpayan pa
- Latest
- Trending
