Ang sinugdanan anaa sa kataposan

Gula 96

Wala motingog si Colleen. Nahilaw siya’g diyotay sa atubangan ni Cody.

“Kini na tingali ang kataposan natong panagkita,” nagkanayon si Cody.

“U-unsay buot mong ipasabot?” May kahikugang nga miubay sa pangutana sa dalaga.

“Molarga na ko paingon sa Manila aron pagbugtaw sa akong kapalaran. Kini lang ang nahunahunaan kong paagi aron mahikalimot sa masakit kong kasinatian sa gugma dinhi sa Cebu, lakip sa kapakyasan sa gugma ko kanimo.”

“K-karon ka na lang hinuon mobiya nga gawasnon na akong mahigugma kanimo?” Mikurog og diyotay ang tingog ni Colleen.

“Wa ko ikaw hisabti,” mikunot ang agtang ni Cody.

“Nagbuwag na mi si Brendan,” mipasabot si Colleen. “Siya’y unang misurender sa among relasyon.”

“K-kun mao kana...”

“Ayaw pag-adto sa Manila, Cody. Gikinahanglan ko ikaw.”

“Oo, Colleen. Dili ko mohinayon pag-adto sa Manila tungod kanimo.”

Tungod sa gibating kahinangop, gigakos ni Cody si Colleen. Mao na lamang usay namatngonan ni Colleen nga migakos na siya kang Cody.

“Nasayod ka na ba sa nahitabo ni ate Alexa?” Sukit ni Colleen dihang milugak na ang ilang panaggakos. -- Sumpayan pa