Priso Kabalyero

Gula 6

Wala maglangan si Major Navarez, giduol dayon niya si Orchids nga naghayang sa kama ug mainampingong giromansa.

“Sir nasayod ko nga imo lang ko nga gipahimudsan…. Apan dili na usab ko makabalibad nimo kay may nahitabo na man kanatong duha,” ni Orchids pa dayong gakus sa warden.

“Magdali ta kay basin og may mangita nako sa opisina,” giingnan ni Major Navarez si Orchids samtang ang iyang mga kamot abtik nga nanangtang sa gisul-ob sa dalaga.

Kadtong nagbugdo nga nakita ni Major Navarez kaganina sa dayon niyang pagsulod sa kwarto, karon iya na g’yung nakita nga walay tabon. Takulahaw nga mibarog si Junior sa iyang nahimutangan.

Gihukas dayon ni Major Navarez ang iyang sapot. Wala abti’g usa ka minuto, wala na usa’y sapot ang warden.

“Orchids.. Orchids, mabuang ko sa imong kaanyag,” matud sa warden sa dayon niyang balik pagromansa sa maanyag nga priso. Miagulo si Orchids sa grabeng kagilok sa pino nga bungot ni Major Navarez nga mobag-id sa iyang liog.

Nag-akub ang ilang mga ngabil ug misunod ang kamingaw sa tibuok lawak. “Sus, mabuang ko sa kalami nimo modala’g pagilok Sir uy,” wala makapugong si Orchids sa pagsulti niini ngadto sa warden.

“Maayo kaayo ka nga mosawom Sir unya dugay pa g’yud nga motunga,” nagkatawa si Orchids nga mikomedya sa warden.

“Ikaw usab, nasurpresa usab ko nga makamao ka man diay’ng mopang-os,” matud sa warden nga hinay-hinay’ng mikab-ot sa iyang mga sapot nga gisalay niya sa sandiganan sa usa ka lingkoranan.

“Ako’y mouna og gawas gikan dinhi sa sekreto nga pultahan paingon sa opisina kay basin og may makakita nga magkadungan ta,” ni Major Navarez pa.

Milabay ang mga adlaw ngadto sa semana. Kalit nga gibalhin pagdistino si Major Navarez sa laing prisohan. Usa ka babaye nga opisyal sa bilanggoan ang gipuli kaniya.

“Gikan karon, dili ka anhi sa opisina Orchids, adto ka na sa selda,” giingnan sa bag-ong warden si Orchids. Gikulbaan si Orchids sa iyang nadungog. Nanghipos siya sa iyang mga kagamitan aron mobalhin na sa selda.

Takulahaw lang nga misantop sa iyang huna-huna nga basin binuangan siya didto sa selda nga adto siya matanggong. Gisugat siya og usa ka babaye nga sa iyang tan-aw, may pagka lakin-on dihang misulod na siya sa brigada sa mga babaye. (Sumpayan)